De conformidade co disposto nos artigos 44 e 46 da Lei 39/2015, do procedemento administrativo común das administracións públicas, se notifica a José Ediberto Salazar, con NIE X7091746H, en tanto que titular do vehículo marca Hyundai, con matrícula A-7674-DZ, o seguinte requirimento por non ser posible a notificación a través do servizo de Correos.

Segundo acta-denuncia 09/16-014 do celador gardapeiraos con NIP 367106, o vehículo indicado atópase estacionado no porto de Viveiro en estado de abandono desde agosto de 2015.

Considerando o exposto, e toda vez que na zona onde se atopa o vehículo, a entidade pública Portos de Galicia é a Administración competente en materia de xestión de tráfico, de conformidade co disposto no artigo 106.1 do Real decreto lexislativo 6/2015, do 30 de outubro, que aproba o texto refundido da Lei sobre tráfico, circulación de vehículos de motor e seguridade vial, requírese a titular para que nun prazo máximo dun mes contado desde a publicación da presente cédula no Boletín Oficial del Estado, proceda a retirar o vehículo da zona de servizo do porto de Viveiro.

No caso de incumprirse o presente requirimento, Portos de Galicia, sen máis trámites, daralle ao vehículo tratamento de residuo, e procederá, en consecuencia, ao seu traslado a centro autorizado de tratamento de vehículos para a súa posterior destrución e descontaminación.

O anterior enténdese sen prexuízo das sancións administrativas que procedan en dereito.

Así mesmo, este anuncio se publicará no Diario Oficial de Galicia, ben que a eficacia do acto notificado quedará supeditada á súa publicación no BOE.

Santiago de Compostela, 22 de maio de 2017

José Ignacio Villar García
Director de Portos de Galicia