Primeiro. O artigo 91 da Lei 3/2012, do 2 de abril, do deporte de Galicia, configura o Comité Galego de Xustiza Deportiva como o órgano administrativo superior da xurisdición deportiva no ámbito territorial da Comunidade Autónoma de Galicia. Está adscrito ao órgano da Administración autonómica competente en materia de deporte e actúa con independencia funcional deste e da Administración xeral da Comunidade Autónoma.

Segundo. A composición do Comité Galego de Xustiza Deportiva atópase regulada tanto no artigo 92 da Lei 3/2012, do 2 de abril, do deporte de Galicia, coma no artigo 4 do Decreto 120/2013, do 24 de xullo, polo que se aproba o Regulamento do Comité Galego de Xustiza Deportiva. De conformidade con estes preceptos, o Comité Galego de Xustiza Deportiva está integrado por unha presidenta ou por un presidente e catro vogais, todos/as eles/as licenciados/as en dereito. Designaranse igualmente, dous suplentes para os supostos de vacantes, enfermidade ou ausencia dos membros titulares ou por calquera outra causa legal.

Terceiro. A competencia para o nomeamento dos membros do Comité Galego de Xustiza Deportiva, titulares e suplentes, correspóndelle ao órgano da Administración autonómica competente en materia deportiva.

Cuarto. Mediante a Resolución do 31 de agosto de 2016, da Secretaría Xeral para o Deporte (DOG núm. 218, do 15 de novembro), procedeuse a nomear os membros titulares e suplentes do Comité Galego de Xustiza Deportiva.

Quinto. Mediante escritos dirixidos á Secretaría Xeral para o Deporte, presentaron, ao abeiro do artigo 8 do Decreto 120/2013, do 24 de xullo, polo que se aproba o Regulamento do Comité Galego de Xustiza Deportiva, a súa renuncia voluntaria á condición de membro do Comité Galego de Xustiza Deportiva a vogal titular Cristina Pedrosa Leis e os membros suplentes Carlos Bueno Rey e Marta Gándara Moure.

Deste xeito, aceptadas as renuncias, faise necesario ditar a presente resolución para proceder ao nomeamento dos novos membros do Comité Galego de Xustiza Deportiva.

Por todo o exposto e en uso das competencias atribuídas polo Decreto 88/2013, do 30 de maio, de estrutura orgánica dos órganos superiores e de dirección dependentes da Presidencia da Xunta de Galicia, modificado polo Decreto 66/2015, do 16 de abril,

RESOLVO:

Primeiro. Nomear como membro titular do Comité Galego de Xustiza Deportiva a Almudena Fernández Carballal.

Segundo. Nomear como membros suplentes do Comité Galego de Xustiza Deportiva a Gonzalo Antonio Barrio García e Cristina Comesaña Álvarez.

Terceiro. Ordenar a publicación desta resolución no Diario Oficial de Galicia.

Contra esta resolución poderase interpoñer, potestativamente, recurso de reposición ante a secretaria xeral para o Deporte no prazo dun mes contado desde o día seguinte ao da súa publicación, de conformidade co establecido no artigo 123 da Lei 39/2015, do 1 de outubro, do procedemento administrativo común das administracións públicas, ou interpoñer directamente recurso contencioso-administrativo ante o Tribunal Superior de Xustiza de Galicia, no prazo de dous meses, contados desde o día seguinte ao da súa publicación, de conformidade co establecido no artigo 46 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 24 de maio de 2017

Marta Míguez Telle
Secretaria xeral para o Deporte