Gonzalo Molpeceres Fernández solicita, en nome e representación da entidade Depuradora de Moluscos La Sirena, S.L., a modificación substancial da concesión administrativa para a construción de depuradora e centro de expedición de moluscos no porto de Tragove (Cambados), segundo o proxecto titulado «Proxecto básico para ampliación dunha depuradora de moluscos para novos servizos industriais» redactado polo enxeñeiro agrónomo Josep Verdaguer I Montanyá en novembro de 2015.

O que se fai público, para os efectos previstos no artigo 85.3 do Real decreto lexislativo 2/2011, do 5 de setembro, polo que se aproba o texto refundido da Lei de portos do Estado e da mariña mercante (BOE núm. 253, do 20 de outubro), para que as persoas e entidades interesadas poidan examinar o expediente e presentar por escrito as alegacións que consideren oportunas nas oficinas da Zona Sur de Portos de Galicia, sitas na rúa Víctor Saíd Armesto, 1-1º, 36002 Pontevedra, no prazo de vinte (20) días hábiles, contados a partir do seguinte ao de publicación do presente anuncio no Diario Oficial de Galicia.

Pontevedra, 6 de abril de 2017

Mateo Ruibal Fernández
Xefe da Zona Sur