O representante da titularidade do centro de ensinanzas deportivas Cented, do Pereiro de Aguiar, solicita autorización para impartir as ensinanzas conducentes á obtención dos títulos de técnico deportivo e técnico deportivo superior en fútbol sala, reguladas no Decreto 356/2003, do 11 de setembro e no Decreto 374/2003, do 16 de setembro; ensinanzas incluídas no ámbito do Real decreto 1363/2007, do 24 de outubro, que establece a ordenación xeral das ensinanzas deportivas de réxime especial.
O Decreto 410/2003, do 6 de novembro, regula os requisitos e o procedemento para a autorización a centros privados e a centros públicos que non sexan de titularidade da Consellería de Cultura, Educación e Ordenación Universitaria para impartir ensinanzas de técnicos deportivos na Comunidade Autónoma de Galicia; norma desenvolvida polas ordes desta consellería do 12 de abril de 2004 e do 23 de abril de 2004, nas que se determinan o procedemento de autorización e os requisitos mínimos dos espazos administrativos e docentes xenéricos cos que deben contar os centros.
Por canto antecede, por proposta da Dirección Xeral de Centros e Recursos Humanos,
DISPOÑO:
Primeiro. Autorizar as ensinanzas conducentes á obtención dos títulos de técnico deportivo e técnico deportivo superior en fútbol e fútbol sala no centro educativo cuxos datos se sinalan a seguir:
Denominación xenérica: centro autorizado de ensinanzas deportivas (CAD).
Denominación específica: Cented.
Código do centro: 32020896.
Titular: 2005 Tecniproneo, S.L.
Domicilio: rúa un, nº 9, urbanización Monterrei.
Lugar: O Pereiro de Aguiar.
Concello: O Pereiro de Aguiar.
Provincia: Ourense.
Composición resultante:
Grao medio:
– As ensinanzas conducentes á obtención do título de técnico deportivo en fútbol (2 unidades para 30 alumnos/as cada unha).
– As ensinanzas conducentes á obtención do título de técnico deportivo en fútbol sala (2 unidades para 30 alumnos/as cada unha).
Grao superior:
– As ensinanzas conducentes á obtención do título de técnico deportivo superior en fútbol (1 unidade para 30 alumnos/as).
– As ensinanzas conducentes á obtención do título de técnico deportivo superior en fútbol sala (1 unidade para 30 alumnos/as).
Segundo. Antes da posta en funcionamento das ensinanzas que se autorizan, a Xefatura Territorial da Consellería de Cultura, Educación e Ordenación Universitaria de Ourense, logo do informe do Servizo Territorial de Inspección Educativa, aprobará expresamente a relación de persoal que impartirá docencia no devandito centro, así como o equipamento axeitado.
Terceiro. Esta orde dará lugar á correspondente inscrición no Rexistro de Centros da Comunidade Autónoma de Galicia.
Cuarto. O centro queda obrigado ao cumprimento da normativa vixente e a solicitar a oportuna revisión cando teña que modificarse calquera dos datos que se sinalan nesta orde.
Contra esta orde, que esgota a vía administrativa, as persoas interesadas poderán formular recurso potestativo de reposición ante esta consellería, no prazo dun mes, contado a partir do día seguinte ao da súa publicación no Diario Oficial de Galicia, segundo o disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, ou ben, directamente, o recurso contencioso-administrativo no prazo de dous meses desde a mesma data, ante a Sala do Contencioso-Administrativo do Tribunal Superior de Xustiza de Galicia, de conformidade co artigo 46 da Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 10 de maio de 2017
Román Rodríguez González
Conselleiro de Cultura, Educación e Ordenación Universitaria
