Eu, Susana Varela Amboage, letrada da Administración de xustiza do Xulgado do Social número 3 de Santiago de Compostela, fago saber que no procedemento de execución de títulos xudiciais número 106/2017 deste xulgado do social, seguido por instancia de Ana María González Pasache, contra a empresa Ceres Gestión Empresarial, S.L., Compañía de Protección y Vigilancia Galaica, S.A., sobre reclamación de cantidade, ditouse auto e decreto na data 28 de abril de 2017, cuxa parte dispositiva, é do tenor literal seguinte:
Parte dispositiva do auto:
«Parte dispositiva
Dispoño: despachar orde xeral de execución a favor da parte executante, Ana María González Pasache, fronte a Compañía de Protección y Vigilancia Galaica, S.A., e a Ceres Gestión Empresarial, S.L., parte executada, en forma solidaria, por importe de 16.389,95 euros de principal (4.460,75 euros indemnización + 11.929,20 euros salarios), máis 1.172,89 euros en concepto de xuros por demora de 11.929,20 euros, máis 1.756,28 euros que se fixan provisionalmente en concepto de xuros que, se é o caso, poidan percibirse durante a execución e as custas desta, sen prexuízo da súa posterior liquidación.
O presente auto, xunto co decreto que ditará o/a letrado da Administración de xustiza, e copia da demanda executiva, serán notificados simultáneamente á parte executada, tal e como dispón o artigo 553 da LEC, quedando a executada apercibida para os efectos mencionados nos razoamentos xurídicos terceiro e cuarto desta resolución, e conforme dispoñen os artigos 251.2 e 239.3 da LXS.
Contra este auto poderá interpoñerse recurso de reposición, que se interpoñerá ante este órgano xudicial, no prazo dos tres días hábiles seguintes á súa notificación, no que ademais de alegar as posibles infraccións en que houbese de incorrer a resolución e o cumprimento ou incumprimento dos presupostos e requisitos procesuais exixidos, poderá deducirse a oposición á execución despachada, aducindo pagamento ou cumprimento documentalmente xustificado, prescrición da acción executiva ou outros feitos impeditivos, extintivos ou excluíntes da responsabilidade que se pretenda executar, sempre que tiveren acaecido con posterioridade á súa constitución do título, non sendo a compensación de débedas admisible como causa de oposición á execución.
Se o recorrente non tiver a condición de traballador ou beneficiario do réxime público da Seguridade Social deberá consignar a cantidade de 25 euros, en concepto de depósito para recorrer, na conta de consignacións deste Xulgado do Social nº 3 aberta en Banco Santander, conta nº 5076 0000 64 0106 17. Se o ingreso se fai mediante transferencia bancaria deberá ingresarse na conta número 000493569920005001274, e no campo “concepto” deberá indicar o número de conta “5076 0000 64 0106 17”. Se efectuar diversos pagamentos na mesma conta deberá especificar un ingreso por cada concepto, mesmo se obedecen a outros recursos da mesma ou distinta clase indicando no campo de observacións a data da resolución recorrida utilizando o formato dd/mm/aaaa. Quedan exentos do seu aboamento, en todo caso, o Ministerio Fiscal, o Estado, as comunidades autónomas, as entidades locais e os organismos autónomos dependentes deles.
Así o acorda e asina a súa señoría. Dou fe.
A maxistrada xuíza. A letrada da Administración de xustiza»
E a parte dispositiva do decreto:
«Parte dispositiva
En orde a dar efectividade ás medidas concretas solicitadas, acordo:
– Requirir de pagamento a Ceres Gestión Empresarial, S.L., pola cantidade reclamada que ascende a 16.389,95 euros de principal (4.460,75 euros indemnización + 11.929,20 euros salarios), máis 1.172,89 euros en concepto de xuros por demora de 11.929,20 euros, máis 1.756,28 euros que provisionalmente se presupostan para xuros, gastos e custas, ingresándoo na conta deste xulgado, aberta no Banco Santander co número 5076 0000 64 0106 17, e se non pagase no prazo de dez días, procederase ao embargo dos seus bens na medida suficiente para responder pola cantidade pola que se despachou execución máis as custas desta.
– Requirir a Ceres Gestión Empresarial, S.L., co fin de que no prazo de dez días, manifeste relacionadamente bens e dereitos abondo para cubrir a contía da execución, con expresión, se é o caso, das cargas e gravames, así como, no caso de inmobles, se están ocupados, por que persoas e con que título, baixo apercibimento de que, no caso de non o verificar, poderá ser sancionado, cando menos, por desobediencia grave, no caso de que non presente a relación dos seus bens, inclúa nela bens que non sexan seus, exclúa bens propios susceptibles de embargo ou non desvele as cargas e gravames que sobre eles pesaren, e poderán impoñérselle tamén multas coercitivas periódicas.
– Poñer en coñecemento do Rexistro Público Concursal o ditado do auto de data 28 de abril de 2017 polo que se despacha execución con expresa especificación do número de identificación fiscal do debedor contra o que se despachou execución (artigo 551.3. punto final).
– En canto á insolvencia de Compañía de Protección y Vigilancia Galaica, S.A., unha vez se tramite a execución respecto a Ceres Gestión Empresarial, S.L., e dado que a débeda é solidaria, no seu momento, se acordará.
Notifíquese ás partes, e a Compañía de Protección y Vigilancia Galaica, S.A., por medio de edictos no DOG, facéndoos saber que en aplicación do mandato contido no artigo 53.2 da LXS, no primeiro escrito ou comparecencia ante o órgano xudicial, as partes ou interesados, e no seu caso os profesionais designados, sinalarán un domicilio e datos completos para a práctica de actos de comunicación. O domicilio e os datos de localización facilitados con tal fin, producirán plenos efectos e as notificacións neles intentadas sen efecto serán válidas ata tanto non sexan facilitados outros datos alternativos, sendo carga procesual das partes e dos seus representantes mantelos actualizados. Así mesmo, deberán comunicar os cambios relativos ao seu número de teléfono, fax, enderezo electrónico ou similar, sempre que estes últimos estean a ser utilizados como instrumentos de comunicación co Tribunal.
Modo de impugnación: contra a presente resolución cabe recurso directo de revisión que deberá interpoñerse ante o presente órgano xudicial no prazo de tres días hábiles. Se o recorrente non tiver a condición de traballador ou beneficiario do réxime público da Seguridade Social deberá consignar a cantidade de 25 euros, en concepto de depósito para recorrer, na conta de consignacións deste Xulgado do Social número 3 aberta en Banco Santander, conta nº 5076 0000 64 0106 17. Se o ingreso se fai mediante transferencia bancaria deberá ingresarse na conta número 000493569920005001274, e no campo “concepto” deberá indicar o número de conta “5076 0000 64 0106 17”. Se efectuar diversos pagamentos na mesma conta deberá especificar un ingreso por cada concepto, mesmo se obedecen a outros recursos da mesma ou distinta clase indicando no campo de observacións a data da resolución recorrida utilizando o formato dd/mm/aaaa. Quedan exentos do seu aboamento, en todo caso, o Ministerio Fiscal, o Estado, as comunidades autónomas, as entidades locais e os organismos autónomos dependentes deles.
Así o acorda e asina a súa señoría. Dou fe.
A letrada da Administración de xustiza»
Advírtese o destinatario de que as seguintes comunicacións se farán fixando copia da resolución ou da cédula no taboleiro de anuncios da oficina xudicial.
E para que sirva de notificación a Compañía de Protección y Vigilancia Galaica, S.A., expido este edicto.
Santiago de Compostela, 28 de abril de 2017
A letrada da Administración de xustiza
