Para os efectos previstos na Lei 24/2013, do 26 de decembro, do sector eléctrico, e no artigo 125 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización da instalación eléctrica que se describe:

Solicitante: Unión Fenosa Distribución, S.A.

Domicilio social: travesía de Vigo, 204, 36207 Vigo.

Denominación: reforma LMTA FRI804 ao CT Ponte Ribadil.

Situación: Crecente.

Características técnicas: LMT aérea a 20 kV, con condutor tipo LA-30 de 4 metros de lonxitude, con orixe no apoio proxectado C-1000-12 e final no centro de transformación aéreo existente Ponte Ribadil. A instalación está situada na zona de Ponte Ribadil, Crecente.

Todas aquelas persoas ou entidades que se consideren afectadas poderán presentar as súas alegacións nesta xefatura territorial, Edificio Administrativo, avenida Fernández Ladreda, 43, 5º, no prazo de vinte días. Así mesmo, e durante o mencionado prazo, tamén se poderá examinar o proxecto da instalación.

Pontevedra, 20 de abril de 2017

Ignacio Rial Santomé
Xefe territorial de Pontevedra