No DOG núm. 85, do 4 de maio de 2017 publicouse a Resolución do 27 de abril de 2017, pola que se anunciaba a licitación polo procedemento aberto para a contratación das obras de reparación nas estacións de autobuses de Noia, Cambados e Sanxenxo.

Advertido erro no cadro de características do prego de cláusulas administrativas particulares que rexe nesta contratación no relativo ás variantes ou melloras (epígrafe N do cadro de características) e unha vez corrixido este, procédese á publicación do cadro de características do prego de cláusulas administrativas particulares no perfil do contratante http://www.contratosdegalicia.es/resultado.jsp?N=155588.

Esta corrección afecta o prazo de presentación de proposicións recollido no punto 7 da Resolución de 27 de abril de 2017, que queda do seguinte xeito:

Data límite de presentación: vinte e seis (26) días naturais contados desde o día seguinte ao da publicación deste anuncio no Diario Oficial de Galicia. Se o último día de presentación coincide en día inhábil, o prazo de presentación rematará o primeiro día hábil seguinte.

Santiago de Compostela, 16 de maio de 2017

A conselleira de Infraestruturas e Vivenda
P.D. (Orde do 4.12.2015; DOG nº 236, do 11 de decembro)
Joaquín Macho Canales
Secretario xeral técnico da Consellería de Infraestruturas e Vivenda