Con data do 7 de abril de 2017, o director xeral de Saúde Pública ditou resolución do expediente sancionador 2016236AL-PO incoado na Xefatura Territorial de Pontevedra a Rosa María Moure González, propietaria do establecemento Bar Rodas 2.

De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, por medio desta cédula notifícaselle a Rosa María Moure González, propietaria do establecemento Bar Rodas 2, DNI 36019336W, con enderezo na estrada de Moledo, 38, Sárdoma, 36214 Vigo, a declaración de caducidade do expediente sancionador 2016236AL-PO, por infracción en materia sanitaria, iniciado na Xefatura Territorial da Consellería de Sanidade de Pontevedra, por exceder o prazo de nove (9) meses para a súa resolución.

Así mesmo, fáiselle saber o dereito que a asiste, ao abeiro do disposto no artigo 121.1 da Lei 39/2015, para interpor recurso de alzada, ante o conselleiro de Sanidade, no prazo dun mes contado desde o día seguinte ao da publicación desta cédula, segundo establece o artigo 122 da Lei 39/2015, do 1 de outubro, lembrándolle o seu dereito a consultar o expediente, depositado nas dependencias da Dirección Xeral de Saúde Pública, sita en San Lázaro, s/n, Santiago de Compostela, e a obter, de ser o caso, copia del, segundo o previsto no artigo 53.1.a) da citada Lei 39/2015, do 1 de outubro.

Esta cédula expídese para que conste e lle sirva de notificación á interesada, en cumprimento do disposto no artigo 59.5 da citada Lei 30/1992, do 26 de novembro. Así mesmo, faise constar que a eficacia da notificación quedará supeditada á súa publicación no taboleiro de edictos único (TEU) do Boletín Oficial del Estado (BOE).

Santiago de Compostela, 20 de abril de 2017

Andrés Paz-Ares Rodríguez
Director xeral de Saúde Pública