En cumprimento do establecido no artigo 48 da Lei 21/2013, do 9 de decembro, de avaliación ambiental, faise público que, de acordo co establecido no artigo 60.1.c) da Lei 7/2012, do 28 de xuño, de montes de Galicia, a Xefatura Territorial da Consellería do Medio Rural de Lugo autorizou, mediante a Resolución do 19 de abril de 2017, o cambio de actividade de forestal a agrícola na parcela 130 do polígono 136 do termo municipal do Corgo (Lugo).

O proxecto foi sometido previamente a avaliación ambiental simplificada e o informe de impacto ambiental foi formulado con data do 1 de marzo de 2017. O anuncio foi publicado no DOG núm. 69, do 7 de abril.

Lugo, 25 de abril de 2017

María Olga Iglesias Fontal
Xefa territorial de Lugo