O artigo 28 do vixente Estatuto de autonomía de Galicia establece no seu punto 2º a competencia da Comunidade Autónoma de Galicia para o desenvolvemento lexislativo e a execución da lexislación do Estado en materia de expropiación forzosa.
Con data do 20 de febreiro de 2017, a Dirección da Axencia Galega de Infraestruturas procedeu á aprobación do proxecto de construción do itinerario peonil e ciclista na AC-130, treito Ares-Mugardos, p.q. 0+320-3+980, nos concellos de Ares e Mugardos, clave AC/16/085.06.
Con data do 9 de marzo de 2017, a Xunta de Galicia procedeu á declaración da utilidade pública e urxente ocupación dos bens e dereitos necesarios para os efectos de expropiación para a mencionada obra polo Decreto 33/2017, publicado no DOG núm. 66, do 4 de abril.
Na súa virtude, e en cumprimento do disposto nos artigos 52 da vixente Lei de expropiación forzosa, do 16 de decembro de 1954, e 56 e seguintes do regulamento para a súa aplicación, este servizo, no uso das facultades que lle confire o artigo 98 da mencionada lei, resolve convocar os titulares de bens e dereitos afectados para que comparezan nos lugares, nas datas e nas horas que se citan, para proceder ao levantamento das actas previas á ocupación, nas cales se recollerán os datos necesarios para determinar os bens e dereitos afectados e os prexuízos derivados da rápida ocupación, sen prexuízo de se trasladaren ao lugar dos predios se o consideran necesario.
Concello: Mugardos. Local: casa do concello.
Data |
Hora |
Núm. de predio |
14 de xuño de 2017 |
Das 9.00 ás 13.00 |
Do 01 ao 38 |
Concello: Ares. Local: casa do concello.
Data |
Hora |
Núm. de predio |
15 de xuño de 2017 |
Das 9.00 ás 13.00 |
Do 39 ao 84 |
16 de xuño de 2017 |
Das 9.00 ás 13.00 |
Do 85 ao 127 |
A relación de titulares cos bens e dereitos afectados, así como os planos parcelarios correspondentes estarán expostos nos concellos de Ares e Mugardos e no Servizo da Delegación Provincial da Coruña da Axencia Galega de Infraestruturas, rúa Vicente Ferrer, nº 2, 8º andar, 15071 A Coruña.
Ao dito acto deberán acudir os titulares afectados, persoalmente ou ben representados pola persoa debidamente autorizada para actuar no seu nome, achegar os documentos acreditativos da súa titularidade, DNI e último recibo da contribución, e poden facerse acompañar, ao seu cargo, se o consideran oportuno, dos seus peritos e dun notario.
Así mesmo, e no cumprimento do establecido no artigo 56 do Regulamento da Lei de expropiación forzosa, ábrese información pública durante o prazo de 15 días hábiles, contado a partir do seguinte ao da publicación desta resolución no Diario Oficial de Galicia ou ata o momento do levantamento das actas previas á ocupación correspondente, co fin de que os interesados poidan formular por escrito, ante este servizo da Delegación Provincial da Coruña, as alegacións que consideren pertinentes co obxecto de emendar posibles erros padecidos ao relacionar os bens afectados pola urxente ocupación.
A Coruña, 20 de abril de 2017
Felipe de la Vega Gándaras
Xefe do Servizo da Delegación Provincial da Coruña