Eu, M. Socorro Bazarra Varela, letrada da Administración de xustiza da Sala do Social do Tribunal Superior de Xustiza de Galicia, fago saber que no procedemento de recurso de suplicación 3568/2016-GA desta sala, seguido por instancia da empresa Condado de Zeus, S.L. contra a Subdelegación do Goberno en Ourense, e Delia Elisa Martínez Samudio sobre outros dereitos laborais, foi ditada a seguinte resolución:
«Decidimos:
Que, desestimando o recurso de suplicación interposto pola empresa Condado de Zeus, S.L. contra a sentenza do 24.5.2016, ditada polo Xulgado do Social número 3 de Ourense no procedemento nº 227/2016, seguido por instancia da Subdelegación de Goberno contra a parte recorrente Condado de Zeus, S.L. (Venus), debemos confirmar e confirmamos integramente a sentenza impugnada.
Incorpórese o orixinal desta sentenza, pola súa orde, ao libro de sentenzas desta Sala do Social do Tribunal Superior de Xustiza de Galicia.
Modo de impugnación. Faise saber ás partes que contra esta sentenza cabe interpor recurso de casación para unificación de doutrina que se preparará mediante escrito presentado ante esta sala dentro do improrrogable prazo de dez días hábiles inmediatos seguintes á data de notificación da sentenza. Se o recorrente non tiver a condición de traballador ou beneficiario do réxime público da Seguridade Social, deberá efectuar:
– O depósito de 600 € na conta de 16 díxitos desta sala, aberta no Banco de Santander (Banesto) co nº 1552 0000 37 seguida de catro díxitos correspondentes ao número do recurso e dous díxitos do ano deste.
– Así mesmo, se houber cantidade de condena, deberá consignala na mesma conta, pero co código 80 en vez do 37, ou ben presentar aval bancario solidario en forma.
– Se o ingreso se fixer mediante transferencia bancaria desde unha conta aberta en calquera entidade bancaria distinta, haberá que emitila á conta de vinte díxitos 0049 3569 92 0005001274 e facer constar no campo “Observacións” ou “Concepto da transferencia” os 16 díxitos que corresponden ao procedemento (1552 0000 80 ou 37 **** ++).
Así o pronunciamos, mandamos e asinamos por esta nosa sentenza».
E para que sirva de notificación en legal forma a Delia Elisa Martínez Samudio, en ignorado paradoiro, expido este edicto para a súa inserción no Diario Oficial de Galicia.
Advírtese a destinataria que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo no suposto da comunicación das resolucións que deban revestir forma de auto ou sentenza, ou cando se trate de emprazamento.
A Coruña, 11 de abril de 2017
A letrada da Administración de xustiza
