En cumprimento do disposto no artigo 142 do texto refundido da Lei 30/2007, do 30 de outubro, de contratos do sector público, publícase o anuncio de licitación desta contratación administrativa.
1. Entidade adxudicadora.
a) Parlamento de Galicia.
b) Dependencia que tramita o expediente: Servizo de Persoal e Réxime Interior.
c) Obtención de documentación e información.
1º. Parlamento de Galicia (dispoñible no BOPG núm. 95, do 4 de abril de 2017 e en http://www.parlamentodegalicia.gal).
2º. Enderezo: r/ Hórreo, 63.
3º. Localidade e código postal: Santiago de Compostela 15701.
4º. Teléfono: 981 55 13 00.
5º. Fax: 981 55 14 00.
6º. Correo electrónico: contratacion@parlamentodegalicia.gal.
7º. Enderezo da internet do perfil de contratante: http://www.parlamentodegalicia.gal.
8º. Data límite de obtención de documentación e información: 15 días naturais a partir do seguinte ao da publicación deste anuncio no DOG.
d) Número de expediente: STI-PA-3/2017.
2. Obxecto do contrato.
a) Tipo: servizos.
b) Descrición: uso dunha plataforma de licitación electrónica.
c) División por lotes e número de lotes: non.
d) Lugar de execución:
1º. Enderezo: r/ Hórreo, 63.
2º. Localidade e código postal: Santiago de Compostela 15701.
e) Prazo de execución: un ano desde a formalización da acta de recepción e uso da plataforma.
f) Admisión de prórroga: ata un máximo de outro ano máis.
g) CPV (referencia de nomenclatura): 72212781-7 (servizos de desenvolvemento de software de xestión de sistemas); 72310000 (servizos de tratamento de datos).
3. Tramitación e procedemento:
a) Tramitación: ordinaria.
b) Procedemento: aberto.
c) Criterios de adxudicación: criterios avaliables de forma automática por aplicación de fórmulas (55 puntos): prezo anual polo uso da plataforma (40 puntos), prezo da implantación e integración co rexistro (5 puntos), número de usuarios (5 puntos), ampliación do horario de atención de soporte (5 puntos). Criterios cuxa cuantificación depende de xuízo de valor (45 puntos): descrición das funcionalidades e propostas funcionais (20 puntos), descrición da integración co rexistro electrónico do Parlamento (10 puntos), plan de implantación e planificación de execución dos traballos (5 puntos), plan de formación e información (5 puntos), sistema de axuda en liña e información, documentación e guías de servizo (5 puntos).
4. Valor estimado do contrato: 50.000,00 € (sen IVE).
5. Orzamento base de licitación:
a) Importe neto: 27.500,00 €; importe total: 33.275,00 €.
6. Garantías.
a) Provisional: non se exixe.
b) Definitiva: 5 % do prezo de adxudicación.
c) Complementaria: non se exixe.
7. Requisitos específicos do contratista.
Os dispostos nas cláusulas quinta e sexta do prego de cláusulas administrativas, e nas correspondentes do prego de prescricións técnicas.
8. Presentación de ofertas:
a) Data límite de presentación: 15 días naturais a partir do seguinte ao da publicación deste anuncio no DOG. Se o último día da presentación fose inhábil, ampliarase o prazo ata o día hábil seguinte.
b) Lugar de presentación:
1º. Rexistro do Parlamento de Galicia.
2º. Enderezo: r/ Hórreo, 63.
3º. Localidade e código postal: Santiago de Compostela 15701.
4º. Enderezo electrónico: contratacion@parlamentodegalicia.gal.
c) Admisión de variantes: non se admiten.
d) Prazo durante o cal o licitador estará obrigado a manter a súa oferta: tres meses desde a terminación do prazo de presentación de ofertas.
9. Apertura das ofertas.
a) Descrición: sesión pública para apertura dos sobres B e C.
b) Enderezo: r/ Hórreo, 63.
c) Localidade e código postal: Santiago de Compostela 15701.
d) Data e hora: no día e hora que se comunicará a licitadores e se publicará na web do Parlamento de Galicia.
10. Gastos de publicidade: inserción do anuncio no DOG, por conta do adxudicatario.
11. Outras informacións: nos pregos de cláusulas administrativas e de prescricións técnicas (publicados no BOPG núm. 95, do 4 de abril de 2017 e en http://www.parlamentodegalicia.gal).
Santiago de Compostela, 4 de abril de 2017
Miguel Ángel Santalices Vieira
Presidente do Parlamento de Galicia
