O Pleno do Concello en sesión que tivo lugar o día 27 de marzo de 2017, aprobou inicialmente a modificación puntual nº 19 das normas subsidiarias de planeamento municipal (modificación da ordenanza nº 2). Esta aprobación inicial implica por si soa a suspensión do procedemento de outorgamento de licenzas no ámbito afectado.

De conformidade co disposto nos artigos 60.6 de Lei 2/2016, do 16 de febreiro, do solo de Galicia (LSG) e 144.6 e 207 do Decreto 143/2016, do 22 de setembro, polo que se aproba o Regulamento da Lei do Solo de Galicia (RSG), sométese o documento a información pública durante un prazo de dous (2) meses contados desde a publicación deste anuncio no Diario Oficial de Galicia e nun dos xornais de maior difusión da provincia de Pontevedra.

O expediente poderá ser consultado na Área de Urbanismo do Concello, sita na casa do concello, 2ª andar (praza do Concello, nº 1), das 9.00 ás 14.00 horas, de luns a venres, agás festivos.

Vilanova de Arousa, 31 de marzo de 2017

Gonzalo Durán Hermida
Alcalde