A Real Academia Galega de Belas Artes anuncia a provisión dunha vacante de académico de número na Sección de Arqueoloxía e Museoloxía. Para ocupar esta praza será elixida unha persoa residente en Galicia que dese a coñecer os seus méritos artísticos, científicos e culturais.

As persoas que polas súas actividades a prol da arte se consideren en posesión das condicións exixidas para aspirar a esta praza, deberán acreditar os seus méritos mediante presentación do seu respectivo curriculum vitae, e terán que ser propostas, cada unha delas, por tres académicos de número, dentro do prazo de trinta días naturais a partir da publicación deste anuncio.

Domicilio da Real Academia Galega: praza Pintor Sotomayor, 1, 15001 A Coruña.

A Coruña, 30 de marzo de 2017

Manuel Quintana Martelo
Presidente