En cumprimento do establecido na base décima da Resolución do 1 de decembro de 2016 (DOG núm. 235, do 12 de decembro), faise pública a Resolución do 15 de marzo de 2017 da concesión dunha bolsa de formación na área da ciencia económica no sector público:

Resolución do 15 de marzo de 2017 pola que se aproba á proposta da comisión de avaliación dos candidatos para a adxudicación dunha bolsa de formación na área de ciencia económica no sector público.

A Escola Galega de Administración Pública convocou, mediante Resolución do 1 de decebro de 2016 (DOG núm. 235, do 12 de decembro), unha convocatoria para unha bolsa de formación na área de ciencia económica. Examinada a proposta da comisión de avaliación dos candidatos para a súa adxudicación,

DISPOÑO:

1. Adxudicar a citada bolsa a Lorena Alonso Súarez de acordo co previsto na base novena da resolución, por ser a candidata que lle corresponde por orde de puntuación. A efectividade da bolsa será desde a data da súa incorporación ata o 31 de decembro de 2017.

2. Recordarlle á beneficiaria que, unha vez recibida a presente notificación de concesión da bolsa, disporá dun prazo de dez días para comunicar á Escola Galega de Administración Pública a súa aceptación ou renuncia á bolsa. Transcorrido este prazo sen que se produza manifestación expresa por parte da beneficiaria, entenderase tacitamente aceptada, segundo o establecido no artigo 21.5 da Lei 9/2007, do 13 de xuño, de subvencións de Galicia.

No prazo de cinco días contados desde a aceptación expresa da bolsa ou do transcurso do prazo para entendela tacitamente aceptada, a candidata seleccionada deberá incorpore ao desempeño da bolsa na EGAP. No caso de que a beneficiaria non se incorporase neste prazo, ou que renuncie expresamente, perderá os dereitos inherentes á bolsa (base décima).

3. Contra esta resolución poderase interpoñer con carácter potestativo, recurso de reposición ante a directora da EGAP no prazo dun mes, contado desde o día seguinte ao da publicación da resolución nos termos dos artigos 123 e 124 da Lei 39/2015, do 1 de outubro, do procedemento administrativo común das administracións públicas, ou directamente, recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia no prazo de dous meses contados desde o día seguinte ao da publicación da resolución, de conformidade co establecido no artigo 46.4 da Lei 29/1998, reguladora da xurisdición contencioso-administrativa.

Santiago de Compostela, 16 de marzo de 2016

Sonia Rodríguez-Campos González
Directora da Escola Galega de Administración Pública