Mediante Resolución do 14 de marzo de 2017, a conselleira do Mar acordou o inicio do procedemento de extinción da concesión temporal de carácter experimental que lle foi outorgada á sociedade Ameixa de Carril, S.L., por Resolución do 18 de setembro de 2008.

De conformidade co disposto nos artigos 44 e 46 da Lei 39/2015, do 1 de outubro, do procedemento administrativo común das administracións públicas, logo de intentada a notificación sen que se puidese efectuar, notifícaselle á sociedade Ameixa de Carril, S.L. (B-36282853), con último enderezo coñecido en Punta Preguntoiro, 20, Vilaxoán, o acordo antes referido.

A eficacia do presente anuncio queda supeditada á súa publicación no taboleiro de edictos único do Boletín Oficial del Estado (TEU do BOE).

A persoa interesada poderá comparecer nas oficinas da sede da Dirección Xeral de Pesca, Acuicultura e Innovación Tecnolóxica, situadas no Edificio Administrativo San Caetano, s/n, Santiago de Compostela, das 9.00 ás 14.00 horas, de luns a venres, para o coñecemento íntegro deste acordo e constancia de tal coñecemento.

A persoa interesada dispón dun prazo de quince (15) días, contados a partir do seguinte ao da publicación deste anuncio no TEU do BOE, para formular as alegacións e presentar os documentos e informacións que xulgue oportunos.

Santiago de Compostela, 29 de marzo de 2017

Mercedes Rodríguez Moreda
Directora xeral de Pesca, Acuicultura e Innovación Tecnolóxica