Unha vez emitido informe favorable sobre a proposta de deslindamento con predios particulares presentada pola Comunidade de Montes Veciñais en Man Común de Torneiros, concello do Porriño, e de acordo co disposto no artigo 54.1 da Lei 7/2012, do 28 de xuño, de montes de Galicia, sobre o procedemento de deslindamento de montes veciñais con propiedades particulares, acórdase sinalar o día 19 de xuño de 2017 ás 16.30 horas para o comezo das operacións de apeo, que empezarán no quilómetro 4 da estrada PO-331, O Porriño-Gondomar, parcela catastral 350 do polígono 12 (Poliester Porriño, S.L.).
Emprázanse os lindeiros e as persoas que acrediten un interese lexítimo para que asistan ao mencionado acto.
Ábrese un prazo dun mes, a partir do día seguinte ao desta publicación, para que os que se conceptúen con dereito á propiedade do monte ou de parte del e os lindeiros que desexen comparecer, para presentar alegacións e os títulos que acrediten a propiedade no Local Social da Comunidade de Montes, A Ribeira, s/n, Torneiros, O Porriño.
O que se fai público para xeral coñecemento.
Pontevedra, 24 de marzo de 2017
Antonio Crespo Iglesias
Xefe territorial de Pontevedra