No Xulgado do Contencioso-Administrativo número 1 de Santiago de Compostela tramítase o recurso 80/2017 (procedemento abreviado), interposto por Raquel Gómez Sampayo contra a Resolución do 28 de decembro de 2016, emitida pola directora xeral de Recursos Humanos do Servizo Galego de Saúde, pola que se desestima o recurso de alzada interposto o 29 de novembro de 2016 contra a Resolución do 26 de outubro de 2016 (DOG núm. 209, do 3 de novembro), da Dirección Xeral de Recursos Humanos do Servizo Galego de Saúde, relativa á publicación das puntuacións definitivas e finalización da fase de oposición do proceso selectivo para o ingreso en diversas categorías de persoal estatutario, convocado mediante Resolución do 17 de xuño de 2015 (DOG núm. 121, do 30 de xuño). (Categoría: técnico/a superior en radioterapia).

O que se notifica para xeral coñecemento de todas as persoas interesadas no procedemento, que son emprazadas para que poidan comparecer no xulgado como demandadas no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 21 de marzo de 2017

Margarita Prado Vaamonde
Directora xeral de Recursos Humanos