Para os efectos previstos no artigo 54 da Lei 7/2012, do 28 de xuño, de montes de Galicia, e segundo o disposto no artigo 44 da Lei 39/2015, do 1 de outubro, do procedemento administrativo común das administracións públicas, dase publicidade á proposta de deslindamento do MVMC de Gándara e Carballosa con propiedades particulares, presentada o 1 de febreiro de 2017 pola comunidade de Donalbai.

Con data do 1 de marzo de 2017, o Servizo de Montes de Lugo emitiu un informe favorable sobre a devandita proposta, ao considerar que non existe menoscabo da integridade do MVMC.

Contra a proposta de deslindamento, no prazo dun mes, que comezará a contarse a partir do día seguinte ao da publicación deste anuncio no Boletín Oficial del Estado, as persoas interesadas poderán presentar alegacións e títulos que acrediten a propiedade ou a posesión dos predios afectados, ante a comunidade propietaria do MVMC Gándara e Carballosa.

Durante este prazo, a documentación estará dispoñible no Servizo de Montes de Lugo, sito na rolda da Muralla, 70, baixo 2º, das 9.00 ás 14.00, de luns a venres, para os efectos de coñecer integramente o contido da dita proposta.

Lugo, 13 de marzo de 2017

Mª Olga Iglesias Fontal
Xefa territorial de Lugo