De acordo co establecido polo artigo 27 da Lei 1/2016, do 18 de xaneiro, de transparencia e bo goberno, se a información solicitada puider afectar dereitos ou intereses de terceiros, debidamente identificados, concederáselles un prazo de 15 días para que poidan realizar as alegacións que consideren oportunas. O solicitante deberá de ser informado desta circunstancia, así como da suspensión do prazo para ditar resolución ata que se reciban as alegacións ou transcorra o prazo para a súa presentación (artigo 19.3 da Lei 19/2013).
O 3 de novembro de 2016 solicitouse información á Axencia de Protección da Legalidade Urbanística sobre a existencia dalgún expediente de reposición de legalidade urbanística sobre unha parcela cuxa titularidade catastral corresponde a Hormigones La Estrella, S.A.
Ao non poderse realizar a notificación persoal do trámite de audiencia a Hormigones La Estrella, S.A , mediante esta cédula, e ao amparo do disposto no artigo 44 da Lei 39/2015, de 1 de outubro, do procedemento administrativo común das administracións públicas, notifícase ao interesado o dito trámite por medio dun anuncio no Boletín Oficial del Estado. Transcorrido o dito prazo, a notificación entenderase producida.
O interesado disporá dun prazo de 10 días hábiles, contados a partir do día seguinte a aquel en que se producise a notificación desta cédula, para alegar e presentar os documentos e informacións que considere pertinentes.
Para que conste e sirva de notificación ao citado interesado, en cumprimento do disposto no artigo 44 da Lei 39/2015, do 1 de outubro, do procedemento administrativo común das administracións públicas, expido e asino esta cédula.
Santiago de Compostela, 21 de febreiro de 2017
José Antonio Cerdeira Pérez
Director da Axencia de Protección da Legalidade Urbanística