Convocada pola Resolución LD-03/2016, do 27 de outubro (DOG núm. 233, do 7 de decembro), a provisión de diversos postos de xefatura do Servizo de Atención Primaria (Cedeira, Fontenla Maristany A, Pontedeume e Serantes), polo sistema de libre designación, a Xerencia de Xestión Integrada, de conformidade co establecido no Decreto 206/2005, do 22 de xullo, de provisión de prazas de persoal estatutario do Servizo Galego de Saúde, así como no artigo 3 da Orde do 24 de maio de 2006 pola que se establecen as bases do procedemento para a provisión dos postos de xefatura e coordinación das institucións sanitarias do Servizo Galego de Saúde, en virtude das competencias atribuídas polo Decreto 43/2013, do 21 de febreiro (DOG núm. 47, do 7 de marzo), polo que se establece a estrutura orgánica do Servizo Galego de Saúde; polo Decreto 193/2010, do 18 de novembro, polo que se regula a estrutura organizativa da Xestión Integrada de Ferrol; pola Orde do 28 de setembro de 2011, pola que se desenvolve a estrutura organizativa da Xestión Integrada de Ferrol e se delegan competencias nos seus órganos directivos, e pola Orde do 5 de xullo de 2012 (DOG núm. 139, do 20 de xullo), sobre delegación de competencias en órganos centrais e periféricos do Servizo Galego de Saúde,

DISPÓN:

Primeiro. Resolver a convocatoria pública para a provisión de diversos postos de xefatura do Servizo de Atención Primaria (Cedeira, Fontenla Maristany A, Pontedeume e Serantes), realizada mediante a Resolución LD-03/2016, do 27 de outubro (DOG núm. 233, do 7 de decembro).

Segundo. Nomear, para os postos que se indican, as persoas relacionadas no anexo á presente resolución.

Terceiro. De conformidade coa base décimo primeira da convocatoria, o candidato nomeado será avaliado, antes de que transcorran catro anos desde o seu nomeamento, para os efectos de prorrogar o desempeño da xefatura, por idéntico período de tempo, ou proceder á súa remoción.

Cuarto. O réxime de cesamento na praza de orixe e de toma de posesión da praza adxudicada será o establecido no artigo 27 da Orde do 24 de maio de 2006 (DOG núm. 106, do 5 de xuño), pola que se establecen as bases do procedemento para a provisión dos postos de xefatura e coordinación das institucións sanitarias do Servizo Galego de Saúde.

Contra a presente resolución poderá interpoñerse, nos termos previstos na Lei 39/2015, do 1 de outubro, de procedemento administrativo común das administracións públicas, recurso de alzada ante a Dirección Xeral de Recursos Humanos do Servizo Galego de Saúde, no prazo de un mes contado desde o día seguinte ao da súa publicación.

Ferrol, 1 de marzo de 2017

Ángel José Facio Villanueva
Xerente de Xestión Integrada de Ferrol

ANEXO

1. Posto de traballo: xefe/a de servizo de Cedeira.

Nome e apelidos: Carmen Vázquez Salaño.

DNI: *****970L.

2. Posto de traballo: xefe/a de servizo de Fontenla Maristany A.

Nome e apelidos: José Luis Ramil Hermida.

DNI: *****910J.

3. Posto de traballo: xefe/a de servizo de Pontedeume.

Nome e apelidos: M. Olimpia Rodríguez Pérez.

DNI: *****404Q.

4. Posto de traballo: xefe/a de servizo de Serantes.

Nome e apelidos: Gabriel Calvo Mosquera.

DNI: *****779V.