En sesión que tivo lugar o día 15 de marzo de 2017, o tribunal nomeado pola Orde do 15 de febreiro de 2017 (DOG núm. 40, do 27 de febreiro), para cualificar o proceso selectivo para o ingreso no corpo superior de administración xeral da Comunidade Autónoma de Galicia, subgrupo A1, escala de letrados, acordou, de conformidade co disposto na base II.1.1, que o primeiro exercicio do proceso selectivo se realice a partir do día 18 de abril de 2017.

Consonte o previsto nas bases I.1 e II.2.1 da orde de convocatoria do proceso selectivo e tendo en conta a existencia dunha quenda de promoción interna e doutra de acceso libre, convócase para a realización do primeiro exercicio o día 18 de abril de 2017, ás 16.00 horas, na sala D do Edificio Administrativo San Caetano, aos seguintes opositores:

Promoción interna
18 de abril de 2017

Apelidos e nome	DNI
Martínez Pereira, María Dolores	32689228H

Acceso libre
18 de abril de 2017

Apelidos e nome	DNI
Saavedra Martínez Lucía	46900855Z
Sánchez Ousinde, Leticia	53309495A

As persoas aspirantes deberán presentarse a cada exercicio provistos de DNI ou documento fidedigno acreditativo da súa identidade, a xuízo do tribunal.

O chamamento para cada exercicio será único, de xeito que as persoas aspirantes que non comparezan serán excluídas.

Non se permitirá o acceso ás aulas en que se realice o exercicio con teléfonos móbiles, axendas electrónicas, reloxos intelixentes ou calquera outro instrumento de que se poida valer o aspirante para auxiliarse na realización do exercicio. Non se habilitará ningún servizo de recollida de móbiles.

Diariamente serán convocados no lugar de realización do exercicio e no portal web corporativo funcionpublica.xunta.gal

Santiago de Compostela, 17 de marzo de 2017

Fernando Jorge Mora
Presidente do tribunal