Convocada pola Resolución do 15 de novembro de 2016 a cobertura, para vinculación temporal, dunha praza da categoría de facultativo especialista da Área de Hematoloxía e Hemoterapia da Axencia Galega de Sangue, Órganos e Tecidos, en virtude das competencias atribuídas polo Decreto 43/2013, do 21 de febreiro (DOG núm. 47, do 7 de marzo), polo que se establece a estrutura orgánica do Servizo Galego de Saúde, a Orde do 5 de xullo de 2012 (DOG núm. 139, do 20 de xullo) sobre delegación de competencias en órganos centrais e periféricos do Servizo Galego de Saúde, e o Decreto 142/2015, do 17 de setembro (DOG núm. 197, do 15 de outubro), polo que se crea a Axencia Galega de Sangue, Órganos e Tecidos, esta dirección
ACORDA:
Primeiro. Resolver a convocatoria pública para a provisión dunha praza da categoría de facultativo especialista da Área de Hematoloxía e Hemoterapia, mediante nomeamento estatutario temporal.
Segundo. Adxudicar o posto convocado ao aspirante que se indica no anexo.
Contra a presente resolución poderá interpoñerse recurso de alzada perante a Dirección Xeral de Recursos Humanos do Servizo Galego de Saúde, no prazo dun mes, contado desde o día seguinte ao da súa publicación, nos termos establecidos nos artigos 121 e 122 da Lei 39/2015, do 1 de outubro, do procedemento administrativo común das administracións públicas.
Santiago de Compostela, 8 de marzo de 2017
Mª Luisa López García
Directora da Axencia Galega de Sangue, Órganos e Tecidos
ANEXO
Apelidos e nome |
DNI(*) |
Cuellar Cariñanos, Leopoldo Jesús |
*****424G |
(*) Ocúltase parcialmente o número de documento nacional de identidade para preservar os datos de carácter persoal, de acordo coa Lei orgánica 15/1999, do 13 de decembro.