Eu, Blanca Susana Janeiro Amela, letrada da Administración de xustiza do Xulgado do Social número 4 de Pontevedra, fago saber que por resolución ditada no día da data, no proceso seguido por instancia de Mónica Vázquez López contra Xidavante, S.L., José Antonio Nieto Sanjuan, Paula María López García, Pontevedra Administración de Fincas, S.L.U., Innovación Productividad y Gestión, S.L. e o Fogasa, en reclamación por despedimento, rexistrado co número despedimento/cesamentos en xeral 655/2016, acordouse, en cumprimento do que dispón o artigo 59 da LXS, citar a Xidavante, S.L., José Antonio Nieto Sanjuan, Paula María López García, en ignorado paradoiro, co fin de que compareza o día 25 de abril de 2017, ás 11.25 e 11.30 horas, na planta 1, sala 6, Edificio da Audiencia, para a celebración dos actos de conciliación e, se é o caso, xuízo. Pode comparecer persoalmente ou mediante persoa legalmente apoderada e deberá acudir con todos os medios de proba de que intente valerse, coa advertencia de que é única convocatoria e que os devanditos actos non se suspenderán por falta inxustificada de asistencia.

Advírtese ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento.

En caso de que pretenda comparecer ao acto do xuízo asistido de avogado ou representado tecnicamente por graduado social colexiado, ou representado por procurador, poñerá esta circunstancia en coñecemento do xulgado ou tribunal por escrito, dentro dos dous días seguintes ao da súa citación para o xuízo, co obxecto de que, trasladada tal intención ao demandante, poida estar este representado tecnicamente por graduado social colexiado, ou representado por procurador, designar avogado noutro prazo igual ou solicitar a súa designación a través da quenda de oficio. A falta de cumprimento destes requisitos supón a renuncia da parte ao dereito de valerse no acto de xuízo de avogado, procurador ou graduado social colexiado.

E para que sirva de citación a Xidavante, S.L., José Antonio Nieto Sanjuan e Paula María López García, expídese o presente edicto para a súa publicación no Diario Oficial de Galicia e colocación no taboleiro de anuncios.

Pontevedra, 23 de febreiro de 2017

A letrada da Administración de xustiza