Eu, Susana Varela Amboage, letrada da Administración de xustiza do Xulgado do Social número 3 de Santiago de Compostela, fago saber que no procedemento de execución de títulos xudiciais 17/2017 deste xulgado do social, seguido por instancia de Carmen Abeledo Piñeiro contra a empresa Acega Formación Continua, S.L., sobre reclamación de cantidade, se ditaron auto e decreto con data do 13 de febreiro de 2017, cuxa parte dispositiva é do teor literal seguinte:
Parte dispositiva do auto:
«Parte dispositiva.
Dispoño: despachar orde xeral de execución a favor da parte executante, Carmen Abeledo Piñeiro, fronte a Acega Formación Continua, S.L., parte executada, por importe de 2.520,11 euros de principal (1.317,62 euros de indemnización + 1.202,49 euros de salarios), máis 234,30 euros en concepto de xuros de mora de 1.202,49 euros, máis 275,44 euros que se fixan provisionalmente en concepto de xuros que, de ser o caso, se poidan devindicar durante a execución e as custas desta, sen prexuízo da súa posterior liquidación.
Este auto, xunto co decreto que ditará a letrada da Administración de xustiza, e copia da demanda executiva, serán notificados asemade á parte executada, tal e como dispón o artigo 553 da LAC. A executada queda apercibida para os efectos mencionados nos razoamentos xurídicos terceiro e cuarto desta resolución, e conforme dispoñen os artigos 251.2 e 239.3 da LXS.
Contra este auto poderase interpor recurso de reposición ante este órgano xudicial, no prazo dos tres (3) días hábiles seguintes ao da súa notificación en que, ademais de alegar as posibles infraccións en que puidese incorrer a resolución e o cumprimento ou incumprimento dos presupostos e requisitos procesuais exixidos, se poderá deducir a oposición á execución despachada, aducindo pagamento ou cumprimento documentalmente xustificado, prescrición da acción executiva ou outros feitos impeditivos, extintivos ou excluíntes da responsabilidade que se pretenda executar, sempre que acaecesen con posterioridade á súa constitución do título. A compensación de débedas non será admisible como causa de oposición á execución.
Se o recorrente non ten a condición de traballador ou beneficiario do réxime público da Seguridade Social, deberá consignar a cantidade de 25 euros, en concepto de depósito para recorrer, na conta de consignacións deste Xulgado do Social número 3, aberta no Banco Santander, conta número 5076 0000 64 0017 17. Se o ingreso se fai mediante transferencia bancaria, deberase ingresar na conta número 00493569920005001274 e, no campo «Concepto», deberá indicar o número de conta «5076 0000 64 0017 17». Se efectúa diversos pagamentos na mesma conta, deberá especificar un ingreso por cada concepto, mesmo se obedecen a outros recursos da mesma ou distinta clase, indicando no campo de observacións a data da resolución contra a cal se recorreu, utilizando o formato dd/mm/aaaa. Quedan exentos do seu aboamento, en todo caso, o Ministerio Fiscal, o Estado, as comunidades autónomas, as entidades locais e os organismos autónomos dependentes deles.
Así o acorda e asina SSª. Dou fe.
A maxistrada xuíza. A letrada da Administración de xustiza».
E a parte dispositiva do decreto:
«Parte dispositiva:
Para dar efectividade ás medidas concretas solicitadas, acordo:
– Requirir o pagamento a Acega Formación Continua, S.L. pola cantidade reclamada de 2.520,11 euros de principal (1.317,62 euros de indemnización + 1.202,49 euros de salarios), máis 234,30 euros en concepto de xuros de mora de 1.202,49 euros, máis 275,44 euros que se fixan provisionalmente en concepto de xuros, gastos e custas, ingresándoos na conta deste xulgado, aberta no Banco Santander, co número 5076 0000 0017 17 e, se non paga no prazo de dez (10) días, procédase ao embargo dos seus bens na medida suficiente para responder pola cantidade pola cal despachou execución máis as custas desta.
– Requirir a Acega Formación Continua, S.L. co fin de que, no prazo de dez (10) días, manifeste unha relación de bens e dereitos suficientes para cubrir a contía da execución, con expresión, de ser o caso, das cargas e gravames, así como, no caso de inmobles, se están ocupados, por que persoas e con que título, baixo apercibimento de que, en caso de non o verificar, poderá ser sancionado, cando menos, por desobediencia grave, en caso de que non presente a relación dos seus bens, inclúa nela bens que non sexan seus, exclúa bens propios susceptibles de embargo ou non desvele as cargas e gravames que pesen sobre eles, e poderánselle impor tamén multas coercitivas periódicas.
– Pór en coñecemento do Rexistro Público Concursal o auto do 13 de febreiro de 2017 polo cal se despacha execución, con especificación expresa do número de identificación fiscal do debedor contra o cal se despachou execución (artigo 551.3, epígrafe final).
Notifíquese ás partes e a Acega Formación Continua, S.L. por medio de edictos no Diario Oficial de Galicia e fágaselles saber que, en aplicación do mandato contido no artigo 53.2 da Lei de xurisdición social, no primeiro escrito ou comparecencia ante o órgano xudicial, as partes ou interesados e, de ser o caso, os profesionais designados, sinalarán un domicilio e datos completos para a práctica de actos de comunicación. O domicilio e os datos de localización facilitados con tal fin producirán plenos efectos e as notificacións intentadas neles sen efecto serán válidas ata que non sexan facilitados outros datos alternativos, e será carga procesual das partes e dos seus representantes mantelos actualizados. Así mesmo, deberán comunicar os cambios relativos ao seu número de teléfono, fax, enderezo electrónico ou similar, sempre que estes últimos estean a ser utilizados como instrumentos de comunicación co tribunal.
Modo de impugnación. Contra esta resolución cabe recurso directo de revisión, que se deberá interpor ante este órgano xudicial no prazo de tres (3) días.
Se o recorrente non ten a condición de traballador ou beneficiario do réxime público da Seguridade Social, deberá consignar a cantidade de 25 euros, en concepto de depósito para recorrer, na conta de consignacións deste Xulgado do Social número 3, aberta no Banco Santander, conta número 5076 0000 64 0017 17. Se o ingreso se fai mediante transferencia bancaria, deberase ingresar na conta número 00493569920005001274 e, no campo «Concepto», deberá indicar o número de conta «5076 0000 64 0017 17». Se efectúa diversos pagamentos na mesma conta, deberá especificar un ingreso por cada concepto, mesmo se obedecen a outros recursos da mesma ou distinta clase, indicando no campo de observacións a data da resolución contra a cal se recorreu, utilizando o formato dd/mm/aaaa. Quedan exentos do seu aboamento, en todo caso, o Ministerio Fiscal, o Estado, as comunidades autónomas, as entidades locais e os organismos autónomos dependentes deles.
Así o acorda e asina SSª. Dou fe.
A letrada da Administración de xustiza».
Advírtese o destinatario de que as seguintes comunicacións se farán fixando copia da resolución ou da cédula no taboleiro de anuncios da oficina xudicial.
E para que sirva de notificación a Acega Formación Continua, S.L., expido este edicto.
Santiago de Compostela, 13 de febreiro de 2017
A letrada da Administración de xustiza