Para os efectos previstos na Lei 24/2013, do 26 de decembro (BOE núm. 310), do sector eléctrico, e no título VII do Real decreto 1955/2000, do 1 de decembro (BOE núm. 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese á información pública a petición de autorización administrativa previa e de construción da instalación eléctrica que se describe:
Solicitante: Unión Fenosa Distribución, S.A.
Domicilio social: A Batundeira, 2, Velle, Ourense.
Denominación: recuamentos LMT CHA814 por execución autovía Ourense-Lugo (A-56).
Situación: concello de Carballedo.
Características técnicas:
1. Liña de media tensión aérea a 20 kV xeral CHA814 tramo entre centros de transformación Pradeda (27AG74) e A Estibada (27AD39) con orixe na celosía metálica proxectada nº 73 tipo C-A-AG-14/4500 e final no apoio metálico proxectado nº 74 tipo C-A-A-AG-16/3000, cunha lonxitude de 286 metros en condutor tipo LA-110; reténsanse os vans entre os apoios 73 proxectado e o 71 existente e o van entre o apoio 74 proxectado e o apoio 75 existente.
2. Liña de media tensión aérea a 20 kV derivada CHA814 dirección ao centro de transformación Quintá (27AL90) con orixe na celosía metálica proxectada nº 73-1 tipo C-FL 16/4500 e final no apoio metálico proxectado nº 5 tipo C-FL-16/3000, cunha lonxitude de 514 metros en condutor tipo LA-56; reténsanse os vans entre o apoio 5 proxectado e o apoio de madeira.
Todas aquelas persoas ou entidades que se consideren afectadas poderán examinar o proxecto e presentar as súas alegacións nesta xefatura territorial, sita na rolda da Muralla, nº 70, baixo 2, Lugo, no prazo de vinte (20) días a partir do seguinte ao da última publicación desta resolución.
Lugo, 9 de febreiro de 2017
Pilar Fernández López
Xefa territorial de Lugo