Intentada a notificación persoal e devolta polo servizo de Correos ao resultar imposible a súa práctica, de conformidade co establecido no artigo 44 da Lei 39/2015, do 1 de outubro, do procedemento administrativo común das administracións públicas, por esta resolución notifícaselle á interesada o contido da resolución, que figura como anexo, para que poida ter coñecemento del.

O acto obxecto deste anuncio non se publica na súa integridade en virtude da cautela prevista no artigo 46 da Lei 39/2015. Advírteselle á interesada que contra a resolución, a cal esgota a vía administrativa, poderá interpoñer un recurso contencioso-administrativo, ante os xulgados do contencioso-administrativo de Santiago de Compostela, no prazo de dous meses contados a partir do día seguinte ao da publicación desta resolución no Boletín Oficial del Estado. O expediente ponse de manifesto á entidade neste centro directivo, sito en Santiago de Compostela; Complexo Administrativo San Lázaro, s/n.

Santiago de Compostela, 17 de febreiro de 2017

Juan Manuel Cividanes Roger
Director xeral do Instituto Galego de Promoción Económica

ANEXO

Nº expediente	Nome/razón social	Programa de axudas	Data resolución	Órgano que dita a resolución	Notificación
IG230.2016.1.168	Apiques Restauración, S.L.	Axudas para a execución de accións de promoción exterior das empresas galegas (Galicia Exporta empresas) (Resolución do 28 de decembro de 2015; DOG núm. 247, do 29 de decembro)	14.10.2016	Director xeral do Igape	Resolución de recurso de reposición