O artigo 15.2 da Lei 1/2016, do 18 de xaneiro, de transparencia e bo goberno (DOG núm. 30, do 15 de febreiro) impón a cada consellería da Xunta de Galicia a obriga de publicar no Diario Oficial de Galicia unha relación dos convenios de colaboración subscritos no cuadrimestre anterior.
En consecuencia, e para dar cumprimento a esa obriga,
DISPOÑO:
Darlle publicidade á relación dos convenios subscritos pola Consellería de Economía, Emprego e Industria nos meses de setembro a decembro do ano 2016, que se incorpora como anexo a esta resolución.
Santiago de Compostela, 19 de xaneiro de 2017
Borja Verea Fraiz
Secretario xeral técnico da Consellería de Economía, Emprego e Industria
ANEXO
Convenios de colaboración subscritos pola Consellería de Economía, Emprego e Industria nos meses de setembro, outubro, novembro e decembro do ano 2016.
Convenio |
Data de sinatura |
Importe total |
Convenio de colaboración entre a Consellería de Economía, Emprego e Industria da Xunta de Galicia, a Universidade de Santiago e a Fundación da Universidade de Cantabria para o estudo e a investigación do sector financeiro-UCEIF para o fomento do emprendemento a través do programa Yuzz 2016. |
19.9.2016 |
20.000,00€ |
Addenda de modificación do Convenio de colaboración entre a Consellería de Economía, Emprego e Industria da Xunta de Galicia e a Cámara Oficial de Comercio, Industria e Servizos de Ourense para a elaboración dun estudo do sector das augas termais de Ourense. |
3.11.2016 |
Non ten achega económica |
Convenio de colaboración entre a Consellería de Economía, Emprego e Industria, a Deputación Provincial da Coruña e o Concello de Pontedeume para a reforma e ampliación do mercado municipal. |
7.11.2016 |
1.594.915,00 € |
Addenda 2ª ao Convenio de colaboración entre a Consellería de Economía e Industria e o Concello de Vilagarcía de Arousa para a mellora de instalacións do Mercado de Abastos, 2ª fase. |
18.11.2016 |
Non ten achega económica |
Convenio de colaboracion entre a Consellería de Economía, Emprego e Industria da Xunta de Galicia, a Fundación Once e a Asociación Inserta Empleo para a acreditación da formación impartida no marco do programa operativo de Inclusión Social e Economía Social e do programa operativo de Emprego Xuvenil, cofinaciado polo Fondo Social Europeo. |
18.11.2016 |
Non ten achega económica |