Despois de intentada a notificación persoal nos termos establecidos no artigo 44 da Lei 39/2015, do 1 de outubro, do procedemento administrativo común das administracións públicas, emprázanse as persoas interesadas que se sinalan no anexo para seren notificadas por comparecencia.
O acto foi adoptado polo Xurado Provincial de Clasificación de Montes Veciñais en Man Común de Pontevedra.
A comparecencia para coñecer o contido íntegro do dito acto deberá efectuarse no prazo de dez (10) días, contados desde o seguinte ao da publicación deste anuncio, no Servizo Xurídico-Administrativo da Xefatura Territorial da Consellería do Medio Rural, rúa Fernández Ladreda, 43-2º, Pontevedra, das 9.00 ás 14.00 horas, de luns a venres.
A eficacia desta notificación queda supeditada á súa publicación no taboleiro de edictos único (TEU) do Boletín Oficial del Estado (BOE).
Transcorrido o dito prazo sen efectuarse a comparecencia, a notificación entenderase producida desde o día seguinte ao do vencemento do prazo sinalado para comparecer.
Pontevedra, 14 de febreiro de 2017
Xosé Carlos Morgade Martínez
Instrutor
ANEXO
Expediente: monte Cabaleiro.
Persoas interesadas: Isidoro Andrade Cimadevila e María Teresa Caride Alonso.
Acto notificado: apertura do trámite de audiencia no expediente de clasificación do monte Cabaleiro, instado pola CMVMC de Cesantes (Redondela).