Unha vez emitido informe favorable á proposta de deslindamento con predios particulares presentada pola Comunidade de Montes Veciñais en Man Común de Mosende, concello do Porriño, e de acordo co disposto no artigo 54.1 da Lei 7/2012, do 28 de xuño, de montes de Galicia, sobre o procedemento de deslindamento de montes veciñais con propiedades particulares, acórdase sinalar o sábado 22 de abril de 2017 ás 10.00 horas para o comezo das operacións de apeo, que comezarán no lugar de depósito de augas de Fontes de Vilariño (A Cañota).

Emprázanse os estremeiros e as persoas que acrediten un interese lexítimo para asistiren ao mencionado acto.

Ábrese un prazo dun mes, a partir do día seguinte ao desta publicación, para que os que se conceptúen con dereito á propiedade do monte ou de parte del e os estremeiros que desexen comparecer, poidan presentar alegacións e os títulos que acrediten a propiedade na Casa Social de Mosende, Lameiro (Igrexa) s/n, 36413 O Porriño.

O que se fai público para xeral coñecemento.

Pontevedra, 8 de febreiro de 2017

Antonio Crespo Iglesias
Xefe territorial de Pontevedra