Para os efectos previstos na Lei 24/2013, do 26 de decembro (BOE núm. 310), do sector eléctrico, e no título VII do Real decreto 1955/2000, do 1 de decembro (BOE núm. 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización administrativa previa e de construción da instalación eléctrica que se describe:
Solicitante: Begasa.
Domicilio social: parque empresarial As Gándaras, r/ A, parcela U2, Lugo.
Denominación: reforma e telemando CD Mar Cantábrico (7463).
Situación: concello de Lugo.
Características técnicas:
1. Reforma do CT existente non prefabricado Mar Cantábrico, cunha potencia máxima admisible de 1.250 kVA e unha potencia instalada de 630 kVA máis 250 kVA, no que se realizan dous depósitos de recollida de aceite, desmontaxe de embarrados, aparamenta, ferraxes e mamparas, construcción de dúas mamparas de protección de transformador, pintado de paredes, chan e teito, construción dunha ventá de ventilación na porta. Instálanse dúas celas de liña, dúas de protección de transformador, un circuíto de terras interior, circuíto de emerxencia e iluminación, armario de BT e ampliación.
2. Telemándanse dúas celas de liña correspondentes á LMT dirección CD Manzano 2 e LMT CD Mar Cantábrico 23.
Todas aquelas persoas ou entidades que se consideren afectadas poderán examinar o proxecto e presentar as súas alegacións, nesta xefatura territorial, sita na rolda da Muralla, nº 70, baixo 2, Lugo, no prazo de vinte días a partir do seguinte ao da última publicación desta resolución.
Lugo, 27 de xaneiro de 2017
Pilar Fernández López
Xefa territorial de Lugo