De conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro), notifícase aos interesados descoñecidos, ausentes ou con enderezo descoñecido que se sinalan no anexo deste anuncio o Acordo do 4 de novembro de 2016, da Xefatura Territorial da Coruña, polo que se somete a información pública a solicitude de autorización administrativa, de construción e a declaración de utilidade pública en concreto, coa necesidade de urxente ocupación que iso implica, relacionadas co proxecto de repotenciación do parque eólico Serra da Panda, nos concellos de Mañón e Ortigueira, na provincia da Coruña (expediente IN661A-2016/1-1).
A eficacia do acto queda supeditada á súa publicación no Boletín Oficial del Estado, polo que os interesados poderán examinar o expediente e presentar alegacións na Xefatura Territorial da Consellería de Economía, Emprego e Industria, sita na rúa Vicente Ferrer, 2, 2º andar, 15071 A Coruña, no prazo de trinta días a partir do día seguinte ao da publicación deste anuncio no Boletín Oficial del Estado.
Sen prexuízo do anterior, este anuncio publícase tamén no Diario Oficial de Galicia.
A Coruña, 19 de xaneiro de 2017
Isidoro Martínez Arca
Xefe territorial da Coruña
ANEXO
Expte.: IN661A 2016/1-1.
Solicitante: Iberdrola Renovables Galicia, S.A.U.
Denominación: repotenciación do parque eólico Serra da Panda.
Concellos: Mañón e Ortigueira (A Coruña).
Relación de propietarios, bens e dereitos afectados:
Nº de predio: 45.
Propietario: descoñecido.
Datos catastrais: polígono 26; parcela: 666; paraxe: O Sisto; concello: Mañón.
Superficies afectadas: en pleno dominio: 490 m2 por plataforma, 390 m2 por gabias, 110 m2 por camiño;
Servidume de voo: 1.576 m2 por voo; ocupación temporal: 570 m2.
Nº de predio: 47.
Propietario: descoñecido.
Datos catastrais: polígono 26; parcela: 664; paraxe: O Sisto; concello: Mañón.
Superficies afectadas: en pleno dominio: 231 m2 por plataforma, 208 m2 por zapata, 407 m2 por camiño;
Servidume de voo: 3.337 m2 por voo; ocupación temporal: 662 m2.
Zapata, plat. (plataforma), torre anemométrica: superficie de expropiación de pleno dominio dos terreos afectados polas zapatas e plataformas dos aeroxeradores e para a torre anemométrica, así como os noiros e terrapléns que se necesitan para a súa construción.
Set. (subestación): superficie de expropiación de pleno dominio dos terreos afectados para a instalación da subestación transformadora e o edificio de control.
Voo: servidume de voo dos aeroxeradores; afecta a zona comprendida dentro do diámetro de cada un dos aeroxeradores.
Gabia: servidume de paso da liña subterránea de media tensión.
Vía: servidume de paso dos camiños polos cales circularán persoas, vehículos e maquinaria durante a construción do parque, así como durante a etapa do seu mantemento.
Prot. eólica: superficie de protección eólica. Terreo protexido desde o punto de vista eólico para permitir a libre circulación do vento nas proximidades do aeroxerador.