No Boletín Oficial da provincia do 9 de xaneiro de 2017 (BOP núm. 6, páxina 2), e no Diario Oficial de Galicia do 11 de xaneiro de 2017 (DOG núm. 7, páxina 1584) publícase a convocatoria do procedemento aberto para a contratación da subministración de ligante C65B2 para a súa utilización polas brigadas da Deputación Provincial de Ourense durante o ano 2017 na zona norte da provincia, e nas súas prescricións técnicas existe un erro, polo que cómpre a súa corrección da seguinte maneira:
Debe entenderse suprimida a seguinte referencia que figura no seu punto II.
«Emulsión de betume modificado con polímeros de rotura rápida.
Na súa fabricación empregarase betume modificado cun polímero SBS pero non látex».
A presente rectificación de erros altera o prazo límite de presentación de ofertas, que finalizará o décimo quinto (15) día natural contado desde o seguinte ao da publicación desta corrección de erros no DOG.
Ourense, 19 de xaneiro de 2017
José Manuel Baltar Blanco
Presidente da Deputación Provincial de Ourense