O Concello do Barco de Valdeorras formula proposta relativa á clasificación do posto de tesouraría do Concello, reservado a funcionarios/as con habilitación de carácter nacional pertencente á subescala de intervención-tesouraría, conforme os acordos adoptados polo Pleno en sesión que tivo lugar o día 7 de xullo de 2016, sobre aprobación inicial da modificación do organigrama de persoal e do anexo de persoal do Concello onde figura o posto de tesouraría reservado a funcionarios/as con habilitación de carácter nacional publicados respectivamente no Boletín Oficial da provincia núm. 170, do 26 de xullo de 2016, e núms. 159, do 12 de xullo, e 189, do 19 de agosto, sen que se presentase alegación ningunha quedando os ditos acordos definitivamente aprobados.

O artigo 92.bis da Lei 7/1985, do 2 de abril, reguladora de bases de réxime local, modificada pola Lei 27/2013, do 30 de decembro, de racionalización e sustentabilidade da Administración local, establece a previsión xeral de que as funcións de contabilidade, tesouraría e recadación teñen o carácter de funcións públicas necesarias reservadas a funcionarios da Administración local con habilitación de carácter nacional en todas as corporacións locais.

Por todo isto, en aplicación do establecido nos artigos 2 e 9 do Real decreto 1732/1994, do 29 de xullo, modificado polo Real decreto 834/2003, do 27 de xuño, e demais normativa concordante de aplicación, e no uso das facultades que lle confire o artigo 15.e) da Lei do emprego público de Galicia, en relación co artigo 241 da Lei 5/1997, do 22 de xullo, de Administración local de Galicia, e a Orde do 14 de maio de 2013, sobre delegación de competencias,

RESOLVE:

Primeiro. Clasificar o posto de traballo de tesouraría, reservado a funcionarios/as con habilitación de carácter nacional pertencente á subescala intervención-tesouraría, do Concello do Barco de Valdeorras, Ourense, clasificándose como se especifica no anexo que se xunta á devandita resolución.

Segundo. Contra esta resolución, que pon fin á vía administrativa, poderase interpoñer recurso potestativo de reposición perante a Vicepresidencia e Consellería de Presidencia, Administracións Públicas e Xustiza, no prazo dun mes contado desde o día seguinte ao da súa publicación, ou poderá impugnarse directamente perante a xurisdición contencioso-administrativa, no prazo de dous meses contado desde a mesma data, segundo o disposto no artigo 46 en relación co 14 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 11 de xaneiro de 2017

Marta Fernández-Tapias Núñez
Directora xeral de Administración Local

ANEXO

Corporación: O Barco de Valdeorras.

Posto: tesouraría.

Subescala: intervención-tesouraría.

Forma de provisión: concurso.