En cumprimento da legalidade vixente, anúnciase procedemento aberto para a contratación de servizos de soporte e mantemento correctivo, evolutivo, adaptativo e perfectivo do sistema de procedementos (AXEP) e servizo de soporte da oficina de sistemas do Igape.
1. Entidade adxudicadora.
a) Organismo: Instituto Galego de Promoción Económica (Igape), Complexo Administrativo de San Lázaro s/n, 15703 Santiago de Compostela.
b) Dependencia que tramita o expediente: Subdirección de Servizos Xurídicos.
c) Número de expediente: PA 6/16.
2. Obxecto do contrato.
a) Descrición do obxecto: servizos de soporte e mantemento correctivo, evolutivo, adaptativo e perfectivo do sistema de procedementos (AXEP) e servizo de soporte da oficina de sistemas do Igape.
b) División por lotes e número:
1 |
Servizos de mantemento evolutivo das aplicacións AXEP |
2 |
Servizos de soporte mantemento correctivo, adaptativo e perfectivo das aplicacions AXEP |
3 |
Servizos de soporte da oficina de sistemas |
c) Lugar de execución/lugar de entrega: oficina do Igape en Santiago de Compostela.
d) Prazo de vixencia (meses): a vixencia estenderase ata a completa execución do contrato e expiración do prazo de garantía ofertado.
3. Tramitación e procedemento de adxudicación.
a) Tramitación: ordinaria.
b) Procedemento de adxudicación: procedemento aberto.
4. Valor estimado da contratación: o valor estimado ascende a 1.652.472 € (un millón seiscentos cincuenta e dous mil catrocentos setenta e dous euros) máis o imposto sobre o valor engadido (IVE) de 347.019,12 € (trescentos corenta e sete mil dezanove euros con doce céntimos), total de 1.999.491,12 € (un millón novecentos noventa e nove mil catrocentos noventa e un euros con doce céntimos) correspondendo 826.236 € (oitocentos vinte e seis mil douscentos trinta e seis euros) máis 173.509,56 (cento setenta e tres mil cincocentos nove euros con cincuenta e seis céntimos) de IVE, total de 999.745,56 € (novecentos noventa e nove mil setecentos corenta e cinco euros con cincuenta e seis céntimos) ao prazo de vixencia inicial (24 meses) e 826.236 € (oitocentos vinte e seis mil douscentos trinta e seis euros) máis 173.509,56 (cento setenta e tres mil cincocentos nove euros con cincuenta e seis céntimos) de IVE, total de 999.745,56 € (novecentos noventa e nove mil setecentos corenta e cinco euros con cincuenta e seis céntimos) ao da posible prórroga (24 meses).
Orzamento máximo de licitación inicial:
826.236 €, máis 173.509,56 de IVE, total de 999.745,56 € para un prazo de vixencia inicial de 24 meses, coa seguinte desagregación por lotes:
Lotes |
Importe sen IVE |
IVE |
Total |
Lote 1: servizos de mantemento evolutivo das aplicacións AXEP |
294.624 € |
61.871,04 € |
356.495,04 € |
Lote 2: servizos de soporte mantemento correctivo, adaptativo e perfectivo das aplicacións AXEP |
405.504 € |
85.155,84 € |
490.659,84 € |
Lote 3: servizos de soporte da oficina de sistemas |
126.108 € |
26.482,68 € |
152.590,68 € |
5. Garantía provisional: non procede.
6. Obtención de documentación e información.
a) Entidade: Instituto Galego de Promoción Económica (Igape).
b) Domicilio: Complexo Administrativo de San Lázaro.
c) Localidade e código postal: Santiago de Compostela 15703.
d) Teléfono: 981 54 16 93.
e) Telefax: 981 54 10 92.
f) Data límite de obtención de documentos e información: coincide coa data límite para a presentación de ofertas.
7. Requisitos específicos do contratista.
a) Clasificación, se é o caso: (grupos, subgrupos e categoría) de acordo co establecido no artigo 65 do TRLCSP, non resulta exixible clasificación.
b) Solvencia económico-financeira e técnica:
Solvencia económico-financeira: reputarase solvente o licitador que acredite un volume anual de negocios que, referido ao ano de maior volume de negocio dos tres últimos concluídos, sexa polo menos unha vez e media o valor anual medio do contrato; ou dispoñer dun seguro de indemnización por riscos profesionais vixente ata a fin do prazo de presentación de ofertas, por importe non inferior ao valor estimado do contrato, así como achegar o compromiso da súa renovación ou prórroga que garanta o mantemento da súa cobertura durante toda a execución do contrato.
Solvencia técnica e profesional: reputarse solvente o licitador que acredite a realización de traballos do mesmo tipo ou natureza ao que corresponde o obxecto do contrato, que se acreditará mediante a relación dos traballos ou subministracións efectuadas polo interesado no curso dos cinco últimos anos.
Ademais da solvencia exixida, e en virtude do establecido no artigo 64.2 do TRLSCP, deberán presentar un compromiso de adscribir á execución do contrato un mínimo de membros cos seguintes perfís, e cumprir cos seguintes requisitos de titulación e experiencia:
Lote |
Perfil |
Nº mínimo persoas |
Lote 1. Servizos de mantemento evolutivo das aplicacións AXEP |
Xefe de proxecto/analista programador |
1 |
Programadores |
2 |
|
Equipo mínimo |
3 |
|
Lote 2. Servizos de soporte mantemento correctivo, adaptativo e perfectivo das aplicacións AXEP |
Xefe de proxectos/analista programador |
1 |
Analista programador |
1 |
|
Programador |
2 |
|
Equipo mínimo |
4 |
|
Lote 3. Servizos de soporte da oficina de sistemas |
Xefe de proxectos/consultor sistemas |
1 |
Analista de sistemas |
1 |
|
Equipo mínimo |
2 |
– Titulación mínima para os membros do equipo de traballo ofertado: titulación oficial polo menos FP TIC, ou no caso de non ser TIC, experiencia mínima de dous anos en TIC (no cómputo dos dous anos incluirase o período de seis meses descrito no seguinte punto de experiencia mínima).
– Experiencia mínima para todos os membros dos equipos de traballo: experiencia nun contorno tecnolóxico equivalente ao do proxecto mínima de seis meses desempeñando un posto de perfil igual ou superior ao ofertado.
Deberá determinarse na oferta a dedicación de cada un dos membros do equipo, e deberá garantirse que se cubran, como mínimo, a franxa de servizo normal (de luns a venres, das 9.00 ás 15.00 e das 16.30 ás 19.30) e que se garantan os acordos de nivel de servizo mínimos establecidos, e os demais requisitos fixados no prego.
A solvencia acreditarase polos medios establecidos na letra F e G da folla de especificacións.
8. Presentación de ofertas ou das solicitudes de participación.
a) Data límite de presentación: 16.2.2017.
b) Documentación que hai que presentar: a indicada no prego de cláusulas administrativas particulares.
c) Lugar de presentación: en sobre pechado e selado e dentro do prazo sinalado, presentaranse en:
1º. Entidade: Rexistro Xeral do Instituto Galego de Promoción Económica.
2º. Domicilio: Complexo Administrativo de San Lázaro, s/n.
3º. Localidade e código postal: Santiago de Compostela 15703.
Ou por correo, anunciando ao órgano de contratación a remisión da oferta mediante fax, telex, telegrama ou correo electrónico conforme o previsto no prego de cláusulas administrativas particulares, que debe ter entrada no Igape antes do termo do prazo de presentación de ofertas, e xustificando a data da imposición do envío na oficina de Correos.
d) Prazo mínimo durante o cal o licitador estará obrigado a manter a súa oferta: 2 meses desde a apertura das proposicións.
e) Admisión de variantes: non se admiten.
9. Apertura das ofertas.
a) Entidade: Instituto Galego de Promoción Económica.
b) Domicilio: Complexo Administrativo San Lázaro, s/n.
c) Localidade: Santiago de Compostela.
d) Data de apertura dos sobres B (ofertas técnicas, parte avaliable sen aplicación de fórmulas) e de apertura dos sobres C (ofertas técnicas, parte avaliable mediante fórmulas e ofertas económicas): indicaranse no perfil do contratante.
10. Criterios de adxudicación.
Criterio |
Valoración |
Prezo |
45 % |
Calidade derivada da experiencia dos compoñentes dos equipos de traballo que sobrepase á exixida para xustificar a solvencia técnica |
36 % |
Calidade derivada da titulación dos compoñentes dos equipos de traballo que sobre pase á exixida para xustificar a solvencia técnica |
8 % |
Calidade da metodoloxía ofertada |
4 % |
Melloras |
4 % |
Duracion da garantía dos traballos |
3 % |
11. Outras informacións.
12. Gastos de anuncios: 3.700 máximo. Serán por conta do adxudicatario.
13. Data de envío do anuncio ao Diario Oficial das Comunidades Europeas (se é o caso): 29.12.2016.
14. No seu caso, portal informático ou páxina web onde figuren as informacións relativas á convocatoria ou onde poidan obterse os pregos: www.igape.es/contratacions
Santiago de Compostela, 29 de decembro de 2016
O director xeral do Instituto Galego de Promoción Económica
P.S. (Resolución do 12.4.2012; DOG do 24 de abril)
Pablo Casal Espido
Secretario xeral do Instituto Galego de Promoción Económica