En cumprimento do disposto no artigo 13.3 do Real decreto 416/2015, do 29 de maio, sobre depósito de estatutos das organizacións sindicais e empresariais, e para os efectos previstos nel, faise público que na oficina pública de depósito de estatutos de organizacións sindicais e empresariais desta secretaría xeral, procedeuse a depositar a baixa da Asociación Galega de Hematoloxía e Hemoterapia, segundo acordo de disolución da asociación adoptado na asemblea xeral extraordinaria celebrada o 4 de outubro de 2013 en Santiago de Compostela.
– Ámbito territorial: Comunidade Autónoma de Galicia.
– Ámbito profesional: os socios poderán ser numerarios, agregados, honorarios ou benefactores, segundo os requisitos que veñen recollidos no artigo 7 dos estatutos.
– Asinan a certificación: Manuel M. Pérez Encinas (presidente), M. Esperanza Lavilla Rubira (secretaria), Carmen Albo López (vicepresidente) e Cándido Andión Núñez (tesoureiro).
Santiago de Compostela, 26 de decembro de 2016
Covadonga Toca Carús
Secretaria xeral de Emprego