A instalación denominada LMTA PO 707 e CTI Bustelo, no concello de Silleda, foi declarada de utilidade pública mediante Resolución do 27 de outubro de 2016, da Xefatura Territorial de Pontevedra, o que leva implícita a urxente ocupación dos bens e dereitos afectados, tendo a condición de beneficiaria a empresa Unión Fenosa Distribución, S.A.

Segundo o disposto no artigo 52 da Lei de expropiación forzosa e no artigo 54.1 da Lei 54/1997, do 27 de novembro, do sector eléctrico, comunícase que o día 31 de xaneiro de 2017, a partir das 10.00 horas, terá lugar sobre o terreo o levantamento das actas previas á ocupación dos bens e dereitos contidos na relación de predios que se expón xunto con esta resolución e no taboleiro de edictos do concello de Silleda.

Os interesados recibirán unha notificación individual coa debida antelación legal, na que se lle comunicará a data e a hora na que deberán presentarse nos seus predios, informándolles de que poderán ir acompañados por un perito ou un notario, pola súa conta, se así o consideran conveniente.

Esta publicación servirá de comunicación para os titulares daqueles predios que figuran como descoñecidos ou se ignora o lugar de notificación, de acordo co establecido no artigo 45.1.a) da Lei 39/2015, do 1 de outubro, do procedemento administrativo común das administracións públicas.

Vigo, 15 de decembro de 2016

Ignacio Rial Santomé
Xefe territorial de Pontevedra

ANEXO

LMTA PO 707 e CTI Bustelo-Silleda
Nº	Paraxe	Cultivo	Nome e apelidos	Nº apoio	m2 chan	ml aéreo	m2 aéreo	Concello
1	Naval	Agrario	Mª Carmen González García	1	12,96	13,21	58,37	Silleda
2	Decoita	Agrario	Nélida Collazo Villanueva	2-3	14,58	159,00	1.915,26	Silleda
3	Decoita	Agrario	José Maceira Froiz	3-4	10,62	117,55	1.399,70	Silleda