O Pleno do Consorcio As Mariñas, en sesión do 2 de decembro de 2016, adoptou o acordo de aprobación da modificación dos estatutos, de conformidade co preceptuado na disposición transitoria sexta da Lei 27/2013, de racionalización e sustentabilidade da Administración local, e na Lei 15/2014, do 16 de setembro, de racionalización do sector público e outras medidas de reforma administrativa, e someteu o acordo á información pública polo prazo dun mes, a partir do día seguinte ao da derradeira publicación deste anuncio (no BOP ou no DOG) e a súa simultánea remisión á Deputación Provincial da Coruña e á Consellería de Presidencia, Administracións Públicas e Xustiza da Xunta de Galicia, para os efectos de emisión do informe correspondente, no prazo dun mes, de conformidade co preceptuado no artigo 143 da Lei 5/1997, de Administración local de Galicia.
Os interesados poden examinar a modificación dos estatutos na Secretaría do Consorcio (lugar de Bos, naves O Carballal 4, 15640 Guísamo, Bergondo) e formular as alegacións ou suxestións que consideren oportunas.
Bergondo, 5 de decembro de 2016
José Antonio Santiso Miramontes
Presidente do Consorcio As Mariñas