De conformidade co previsto no artigo 8.4 da Lei 16/2010, do 17 de decembro, de organización e funcionamento da Administración xeral e do sector público autonómico de Galicia, dáse publicidade á resolución da Presidencia do organismo autónomo Servizo Galego de Saúde, do 20 de decembro de 2016, pola que se encomenda á Axencia Galega de Infraestruturas a xestión das actuacións para acometer a execución das obras de construción do novo Centro de Saúde de Gondomar.
– Actividade: a xestión das actuacións precisas para acometer a execución das obras de construción do novo Centro de Saúde de Gondomar, estando a contratación da dirección facultativa das obras en mans do Servizo Galego de Saúde.
– Natureza e alcance da xestión encomendada: a encarga ten natureza intrasubxectiva, ao ter a Axencia Galega de Infraestruturas a consideración de medio propio e servizo técnico da Administración da Comunidade Autónoma de Galicia, segundo o disposto nos artigos 47 e 48 da Lei 16/2010, do 17 de decembro, de organización e funcionamento da Administración xeral e do sector público autonómico de Galicia.
– Prazo de vixencia: desde o día seguinte ao da sinatura da encomenda ata xuño de 2018.
Santiago de Compostela, 20 de decembro de 2016
Jesús Vázquez Almuíña
Presidente do Servizo Galego de Saúde