O Concello Pleno, en sesión do 24 de novembro de 2016, acordou aprobar inicialmente a modificación puntual número 1 do Plan xeral de ordenación municipal sobre modificación dos elementos do catálogo B65 en Oleiros e B91 e B92 en Santa Cruz (documento número 14379, do 26 de setembro de 2016).
De conformidade cos artigos 60.6, 7 e 8 da Lei 2/2016, o expediente estará exposto ao público na Área de Urbanismo do Concello de Oleiros, das 8.30 ás 14.00 horas, durante o prazo de dous meses, para os efectos de presentación das alegacións que se consideren oportunas.
Oleiros, 30 de novembro de 2016
Ángel García Seoane
Alcalde presidente