Eu, María Teresa Vázquez Abades, letrada da Administración de Xustiza do Xulgado do Social número 1 de Santiago de Compostela, fago saber que no procedemento de execución de títulos xudiciais 168/2016 deste xulgado do social, seguido por instancia de José María Pampín Muñiz contra Viproga e o Fogasa, se ditou decreto no día da data, cuxa parte dispositiva di literalmente:

«Acordo:

a) Declarar o executado Limpiezas El Polígono, S.L. en situación de insolvencia total por importe de 3.281,65 euros en concepto de principal (2.453,51 euros en concepto de salarios + 828,14 euros de xuros do artigo 29.3 do ET), máis outros 328,16 euros que se fixan provisionalmente en concepto de xuros que, se é o caso, se poidan devindicar durante a execución e as custas desta, sen prexuízo da súa posterior liquidación, insolvencia que se entenderá para todos os efectos como provisional.

b) Arquivar as actuacións logo de anotación no libro correspondente, sen prexuízo de reaperturar a execución se a partir deste momento se coñecen novos bens do executado.

c) Unha vez que sexa firme a presente resolución, procédase á súa inscrición no rexistro correspondente.

Modo de impugnación: contra a presente resolución cabe recurso directo de revisión, que deberá interporse ante quen dita a resolución no prazo de tres días hábiles seguintes á notificación desta, con expresión da infracción cometida nela a xuízo do recorrente, artigo 188 da LXS».

E para que lle sirva de notificación en legal forma a Viproga, S.A., en ignorado paradoiro, expido o presente edicto para a súa inserción no Diario Oficial de Galicia.

Santiago de Compostela, 9 de novembro de 2016

A letrada da Administración de xustiza