No uso das competencias atribuídas a esta xefatura territorial, e en virtude do disposto nos artigos 59.5 e 61 da Lei 30/1992, do 26 de novembro, de réxime xurídico das administracións públicas e do procedemento administrativo común (BOE do 27 de novembro), intentada a notificación no último domicilio coñecido do interesado sen que se puidese practicar, notifícase á empresa citada no anexo para que no prazo de dez (10) días contados desde o seguinte ao da publicación desta cédula no Boletín Oficial del Estado compareza persoalmente ou debidamente representada na sede do Servizo de Emprego e Economía Social da Xefatura Territorial da Consellería de Economía, Emprego e Industria de Pontevedra; rúa Concepción Arenal, 8, 2º, Vigo (das 9.00 ás 14.00 horas, de luns a venres) para ter coñecemento do contido daquela, e advírtese de que, de non o facer así, se considerará notificada cos efectos que correspondan.
Esta resolución que pon fin á vía administrativa e contra ela a interesada pode interpoñer recurso contencioso-administrativo no prazo de dous meses, que comezará a contarse a partir do día seguinte ao da publicación desta cédula no Boletín Oficial del Estado, ante o órgano competente da xurisdición contencioso-administrativa. Así mesmo, con anterioridade e con carácter potestativo, poderá interpoñer recurso de reposición no prazo dun mes, que comezará a contar a partir do día seguinte ao desta publicación, ante esta xefatura territorial, todo isto de conformidade co establecido na Lei 29/1998, do 13 de xullo, reguladora da xurisdición contencioso-administrativa, e na Lei 39/2015, do 1 de outubro, do procedemento administrativo común das administracións públicas.
Vigo, 14 de novembro de 2016
Ignacio Rial Santomé
Xefe territorial de Pontevedra
ANEXO
Número de expediente: TR349I 2016/021-5.
Nome: Cooperativa de Transportes Transmarín, S. Coop.
CIF/NIF: F36311975.
Último enderezo coñecido: rúa Salvador Moreno, 10, 36900 Marín.
Tipo de axuda: incentivos á contratación indefinida inicial de persoas mozas inscritas no Sistema nacional de garantía xuvenil.
Contido da resolución: declarar a desistencia da súa solicitude.
Data da resolución: 14 de xullo de 2016.