De conformidade co artigo 9.3 da Lei 16/2010, do 17 de decembro, de organización e funcionamento da Administración xeral e do sector público autonómico de Galicia, dáse publicidade á encomenda de xestión da Vicepresidencia e Consellería de Presidencia, Administracións Públicas e Xustiza á Axencia Galega de Infraestruturas para a realización, a través do seu persoal técnico, dos controis administrativos que deban realizarse sobre os proxectos subvencionados en virtude da Orde do 23 de decembro de 2015, pola que se establecen as bases reguladoras e se convocan subvencións para a creación e/ou mellora das infraestruturas, dotacións, instalacións e equipamentos vinculados á prestación de servizos municipais, destinados a concellos de Galicia para o ano 2016, de forma individual e mediante o sistema de xestión compartida, cofinanciadas polo Fondo Europeo Agrícola de Desenvolvemento Rural (Feader) no marco do Programa de desenvolvemento rural de Galicia 2014-2020.

Entidade encomendante: Vicepresidencia e Consellería de Presidencia, Administracións Públicas e Xustiza.

Entidade encomendada: Axencia Galega de Infraestruturas.

Actividade a que se refire e alcance: realización dos controis administrativos que deban realizarse sobre os proxectos subvencionados en virtude da Orde do 23 de decembro de 2015 pola que se establecen as bases reguladoras e se convocan subvencións para a creación e/ou mellora das infraestruturas, dotacións, instalacións e equipamentos vinculados á prestación de servizos municipais, destinados a concellos de Galicia para o ano 2016, de forma individual e mediante o sistema de xestión compartida, cofinanciadas polo Fondo Europeo Agrícola de Desenvolvemento Rural (Feader) no marco do Programa de desenvolvemento rural de Galicia 2014-2020.

Natureza da encomenda: carácter gratuíto.

Prazo de vixencia da encomenda: dous anos.

Santiago de Compostela, 16 de novembro de 2016

Beatriz Cuiña Barja
Secretaria xeral técnica da Consellería de Presidencia,
Administracións Públicas e Xustiza