Con data do 23 de agosto de 2016, foi negociado e subscrito o texto inicial do convenio urbanístico para a execución do plan parcial do sector de solo urbanizable S-15 Travesía do Porto norte do PXOM por José Manuel Miñones Conde, alcalde do Concello de Ames, e Ana María Alonso del Río en representación de Montesgal, S.L.

De conformidade co disposto no artigo 168 da Lei 2/2016, do 10 de febreiro, do solo de Galicia, sométese a información pública durante o prazo dun mes, contado desde a publicación do presente anuncio no Diario Oficial de Galicia e nun dos xornais de maior difusión da provincia.

Durante o devandito prazo, o texto inicial do convenio urbanístico poderá ser examinado por calquera interesado nas dependencias municipais (Departamento de Urbanismo), en horario de atención ao público, e poderanse formular as alegacións que se consideren pertinentes.

Ames, 30 de setembro de 2016

José M. Miñones Conde
Alcalde