María Teresa Vázquez Abades, letrada da Administración de xustiza do Xulgado do Social número 1 de Santiago de Compostela, fago saber que no procedemento de execución de títulos xudiciais 158/2016 deste xulgado do social, seguido por instancia de Lorena Baldomir Regueira contra Denim Sport Wear, S.L. e Fogasa, se ditou resolución do día da data, cuxa parte dispositiva di literalmente:

«Acordo:

a) Declarar o executado Denim Sport Wear, S.L. en situación de insolvencia total por importe de 5.380,90 euros de principal (3.964,53 euros + 1.416,37 euros en concepto de xuro do artigo 29.3 ET) máis 538,08 euros fixados provisionalmente en concepto de xuros que, de ser o caso, se poidan devindicar durante a execución e as custas desta, sen prexuízo da súa posterior liquidación, insolvencia que se entenderá para todos os efectos como provisional.

b) Arquivar as actuacións logo de anotación no libro correspondente, sen prexuízo de reabrir a execución, se no sucesivo se coñecen novos bens do executado.

c) Inscribilo no rexistro correspondente unha vez que sexa firme a presente resolución.

Modo de impugnación. Contra a presente resolución cabe recurso directo de revisión, que se deberá interpor ante quen dita a resolución, no prazo dos tres días hábiles seguintes ao da súa notificación, con expresión da infracción cometida nela a xuízo do recorrente (artigo 188 LXS)».

E para que sirva de notificación en legal forma a Denim Sport Wear, S.L., en ignorado paradoiro, expido este edicto para a súa inserción no Diario Oficial de Galicia.

Advírtese o destinatario de que as seguintes comunicacións se farán fixando copia da resolución ou da cédula no taboleiro de anuncios da oficina xudicial, agás no suposto da comunicación das resolucións que sexan autos ou sentenzas, ou cando se trate de emprazamento.

Santiago de Compostela, 20 de outubro de 2016

A letrada da Administración de xustiza