Para os efectos previstos na Lei 24/2013, do 26 de decembro, do sector eléctrico, e no artigo 125 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización da instalación eléctrica que se describe:
Solicitante: Electra Alto Miño, S.A.
Domicilio social: polígono industrial Chan da Ponte, parcela 19, 36450 Salvaterra de Miño.
Denominación: LMTS e reforma dos CT Salvaterra-Carrascal e Promascahl.
Situación: Salvaterra de Miño.
Características técnicas: LMT subterránea a 20 kV con condutor RHZ1 de 95 metros de lonxitude, con orixe no centro de transformación existente Promascahl e final no centro de transformación existente Salvaterra-Carrascal. Instalación de dúas celas de liña SF6 motorizadas e unha de protección no centro de transformación Salvaterra-Carrascal e unha cela de liña SF6 motorizada no centro de transformación Promascahl. A instalación está situada na rúa Castelao, San Lourenzo, Salvaterra de Miño.
Todas aquelas persoas ou entidades que se consideren afectadas poderán presentar as súas alegacións nesta xefatura territorial, Edificio Administrativo, avenida Fernández Ladreda, 43, 5º, no prazo de vinte días. Así mesmo, e durante o mencionado prazo, tamén se poderá examinar o proxecto da instalación.
Pontevedra, 6 de setembro de 2016
Ignacio Rial Santomé
Xefe territorial de Pontevedra