Mediante delegación outorgada pola Alcaldía polo Decreto do 11 de xuño de 2011, a Xunta de Goberno Local do Concello de Lalín, na sesión que tivo lugar o día 29 de decembro de 2014, acordou aprobar inicialmente o expediente de modificación do plan parcial SUE-4, estrada de Lugo, de iniciativa particular, e abriu o prazo dun mes de información pública mediante anuncio no DOG núm. 24, do 6 de febreiro de 2015. No referido período só se presentou unha alegación, a cal, por Acordo da Xunta de Goberno Local, en sesión que tivo lugar o día 18 de maio de 2016, e corrixida na sesión que tivo lugar o día 30 de maio de 2016, foi estimada parcialmente no sentido de que cómpre modificar de xeito parcial o Acordo de aprobación inicial adoptado pola Xunta de Goberno Local o 29 de decembro de 2014, non modificando as súas determinacións nin o seu contido normativo, pero si incorporando ao expediente a relación de donos e propietarios catastrais e modificando, polo tanto, o contido formal do dito expediente.

Segundo o disposto no artigo 75.1.c), en relación coa letra a) do mesmo artigo da Lei 2/2016, do 10 de febreiro, do solo de Galicia, para os efectos da presentación das alegacións que se consideren oportunas, sométese a modificación do expediente a un novo trámite de información pública polo prazo de dous (2) meses, contados desde o día seguinte ao da publicación deste anuncio no Diario Oficial de Galicia e nun dos xornais de maior difusión na provincia. O expediente poderá ser consultado na Secretaría Xeral do Concello, en horario de atención ao público, de luns a venres, das 8.00 ás 15.00 horas. Así mesmo, notificarase individualmente a todas as persoas titulares catastrais dos terreos afectados.

Lalín, 6 de setembro de 2016

O alcalde
P.D. (Decreto do 29.6.2015; BOP núm. 142, do 27 de xullo)
Nicolás González Casares
Concelleiro delegado de Urbanismo