Advertidos erros na citada orde, publicada no DOG nº 175, do 14 de setembro de 2016, cómpre realizar as seguintes correccións:

Un. No artigo 3. Descrición do tipo de accións formativas, punto 1, onde di: «As accións formativas que se executarán serán actividades de formación continua en materia de aplicador/manipulador de produtos fitosanitarios, orientadas a persoas con relación profesional ou con expectativa de incorporación nos sectores produtivos da agricultura, a gandaría, a industria agroalimentaria e a cadea forestal-madeira, dirixidas, en especial, á mocidade e mulleres do medio rural», debe dicir: «As accións formativas que se executarán serán actividades de formación continua, na modalidade presencial, en materia de aplicador/manipulador de produtos fitosanitarios, orientadas a persoas con relación profesional ou con expectativa de incorporación nos sectores produtivos da agricultura, a gandaría, a industria agroalimentaria e a cadea forestal-madeira, dirixidas, en especial, á mocidade e mulleres do medio rural».

Dous. Por erro non se publicaron os anexos IV, V, VI e VII, polo que se publican a continuación.

Esta corrección de erros non implica modificación dos prazos establecidos na convocatoria.