A persoa titular da Dirección Xeral de Mobilidade ditou a resolución dos expedientes sancionadores número LU-00159-O-2016 e dous máis por infracción da normativa sobre transporte terrestre.

Intentada a notificación da resolución por correo certificado con xustificante de recepción no domicilio que consta no correspondente expediente sancionador, esta foi devolta polo servizo de Correos. Por este motivo e de conformidade co artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, a notificación efectúase por medio dun anuncio publicado no Boletín Oficial del Estado (BOE), que previamente se publica no Diario Oficial de Galicia. En consecuencia, mediante este anuncio notifícanse as resolucións ditadas ás persoas interesadas.

Infórmaselles que os expedientes sancionadores se atopan á súa disposición nas oficinas da Subdirección Xeral de Inspección do Transporte, situadas na praza de Europa, 5A, 2º, en Santiago de Compostela.

Comunícaselles que contra a resolución sancionadora, que non é definitiva na vía administrativa, cabe recurso de alzada ante a persoa titular da Consellería de Infraestruturas e Vivenda, no prazo dun mes contado desde o día seguinte ao da publicación deste anuncio no BOE.

As sancións impostas foron aboadas anticipadamente cunha redución do seu importe conforme o previsto no artigo 146.3 da Lei 16/1987, do 30 de xullo, de ordenación dos transportes terrestres.

Santiago de Compostela, 1 de setembro de 2016

David Conde Varela
Subdirector xeral de Inspección do Transporte

ANEXO

Expediente Matrícula	Persoa sancionada DNI/CIF	Infracción cometida Data-Hora-Estrada-p.q.	Precepto cualificador	Precepto sancionador	Sanción imposta
LU-00159-O-2016 5833-JGM	José Luis López Buján 34890446K	A carencia a bordo do vehículo das follas de rexistro dos tempos de condución e descanso xa utilizadas ou dos documentos de impresión que resulte obrigatorio levar, con independencia do tipo de tacógrafo, analóxico ou dixital, que se estea utilizando. 16.1.2016; 11.58.00; A-6; 479,0	Art. 140.35 LOTT	Art. 143.1.g) LOTT	1.001 euros
PO-00014-O-2016 C-9243-AW	Remunofer, S.L. B70423116	Realizar transporte público de mercadorías carecendo de título habilitante. 20.7.2015; 15.54.00; PO-531; 10,2	Art. 140.1 LOTT	Art. 143.1.i) LOTT	4.001 euros
PO-01500-O-2016 5631-HBS	Rial Hermelo, Humberto 36095222B	O exceso igual ou superior ao 25 por cento sobre a MMA total en vehículos con MMA ata 12 toneladas. Exceso de peso igual ou superior ao 35 %. 10.12.2015; 19.47.00; PO-542; 5,5	Art. 140.23 LOTT	Art. 143.1.h) LOTT	4.000 euros