Advertido un erro na resolución do anuncio de licitación da contratación administrativa para a subministración e o servizo de mantemento do hardware e software da solución de virtualización do Centro de Procesamento de Datos do Parlamento de Galicia, publicada no DOG nº 168, do 5 de setembro de 2016, procédese á súa corrección:
Na páxina 39212, onde di: «c) Complementaria: no caso de que o licitador que presentase a oferta economicamente máis vantaxosa conforme os criterios de valoración, estando en baixa anormal ou desproporcionada, xustifique debidamente o importe ofertado, terá que constituír unha garantía por importe do 5 % do prezo de licitación, IVE excluído», debe dicir: «c) Complementaria: no caso de que o licitador que presentase a oferta economicamente máis vantaxosa conforme os criterios de valoración, estando en baixa anormal ou desproporcionada, xustifique debidamente o importe ofertado, terá que constituír unha garantía por importe do 5 % do prezo de adxudicación, IVE excluído».